“Меҳридарё” лойиҳасига асакалик Нилуфар Садирбекова мурожаат қилиб, қизи Ҳумайрабегим Исмоиловани даволатиш учун халқдан ёрдам сўради.
— Тўрт ёшлик қизим илгари соғлом бола эди. 2021 йили бирдан тоби қочиб қолди. Шифокорлар унга оққон ташҳисини қўйишди.
Боласининг бу касалликка чалиниши онага тасаввур қилиб бўлмас даражада оғир экан. Аввалига оёғи оғриб, иштаҳасиз бўлиб қолди. Андижон вилоятидаги касалхонага олиб борганимизда гемоглабини иккига тушиб қолганини айтишди. Шифокорларга раҳмат, қон қуйиб даволаб Тошкентга юборишди. Тошкентда илик орқали таҳлил олиб, унинг оққонга чалинганини айтишди. Бу хабарни эшитиб яшай олмасам керак деб ўйлагандим. Аллоҳга шукр, аҳволи анча яхши.
Аммо оилавий шароитимиз оғирлиги сабаб уни даволатолмаяпмиз. Оилада 9 киши яшаймиз, ягона боқувчимиз турмуш ўртоғим.
Болам ҳам бошқа болалар сингари ўйнаб кулишини хоҳлайман. Майли боғча ёки мактабга бормасин, ёнимда бўлса бўлди. Она учун боланинг дардини кўтариш ўтда ёнгандан ҳам оғирроқ бўлар экан. Яхши инсонлар фарзандимни даволатиш учун қўлингиздан келганча ёрдам беринглар, — дейди беморнинг онаси Нилуфар Садирбекова.
Исмоилова Хумайрабегимга хайрия қилишни истасангиз,
8600 0417 6511 0391 (Садирбекова Нилуфар)
Мурожаат учун: +(99833) 989-06-88
Изоҳ (0)