“Меҳридарё” лойиҳасига Самарқанд шаҳрида яшовчи Марҳабо Тўрақулова мурожаат қилиб, оққон касаллигига чалинган ўғлини даволатиш учун саҳоватпеша инсонлардан ёрдам сўради.
— Олти фарзандим бор, афсуски икки фарзандимда қон билан боғлиқ касаллик аниқланган. Шу кунгача камқон қизимни даволатиб келардик. 2022 йилда ўғлим Ҳусанжон Ҳабиевда оққон касаллиги аниқланди.
Уч ой Самарқандда даволандик, аниқ ташхис қўйишолмаганидан кейин Тошкентга юборишди. Ўғлимнинг қони бирдан камайиб кетиб, аҳволи оғирлашиб қолади. Катта қизим камқонлиги учун рўйхатда туриб мунтазам даволаниши керак. Олти фарзандимдан орттириб, уларни даволатолмаяпман. Душманимга ҳам бу касалликни раво кўрмайман.
Турмуш ўртоғим билан кунлик ишларга чиқамиз. Уйимиз, яшаш шароитимиз ҳам оддий. Биттагина машинамиз бор эди. Илк марта уни сотиб Тошкентга даволанишга келгандик. Ўғлим бир йилдан бери мактабга бормайди. Боши айланиб йиқилиб тушади.
Шифокорларнинг айтишича, ўғлимнинг соғайиб кетишига умид катта. Чунки касаллик ҳали зўрайиб кетмаган. Кимё терапияни вақтида олиб, дори-дармонларни ичса соғайиб кетар экан. Аммо уни даволатишга қўлим калталик қиляпти. Сизлардан илтимос, ўғлимни даволатиш учун қўлингиздан келганча ёрдам қилинглар, — дейди беморнинг онаси Марҳабо Тўрақулова.
Ҳабиев Ҳусанга хайрия қилишни истасангиз,
4073 4200 7305 3088
Туракулова Марҳабо
Мурожаат учун: +998 93 511 08 32