Bugun,

  • USD 11095.31
  • RUB 173.84
  • EUR 10772.44

“Mehridaryo” loyihasiga navoiylik Nigora Ochilova murojaat qilib, og‘ir sharoitda yashayotgani va salomatligini tiklashga moddiy imkoniyati yo‘qligini ma’lum qildi. U farzandining yolg‘iz boquvchisi, shu bois sog‘lig‘ini tiklash uchun xalqdan yordam so‘radi.

— 1993-yilda Navoiy shahrida tug‘ilganman. O‘gay ona qo‘lida qiyinchilikda ulg‘ayganman. Turmushga chiqdim, ammo u homilam uch oyligida Rossiyaga ishlagani ketib, qaytib kelmadi. Hatto, o‘g‘limning ism-familyasini ham bergani yo‘q. Bolam bilan birga hokimiyat tomonidan berilgan bir xonalik yotoqxonada yashaymiz. Besh yashar farzandimni boqish uchun boklajka terib tirikchilik qilib yurardim. Ammo birdan og‘rib qoldim. Tekshirtirsam Gepatit B xastaligiga chalinganimni aytishdi. Davolanishga imkonim bo‘lmadi va kasallik yanada zo‘rayib ketdi. Shifokorlarning aytishicha, hozir davolanmasam jigar sirroziga aylanish ehtimoli juda yuqori ekan. 
Mahalladan hech qanday yordam berishmaydi. Nogironlik nafaqasiga chiqaman desam, uning uchun avvaliga kasalxonada o‘z hisobimdan davolanishim kerak ekan. Kundan kunga ahvolim yomonlashyapti. Oyoqlarim shishib, yurolmay qolyapman. Iltimos, menga yordam beringlar sog‘ayib, o‘g‘limni o‘zim katta qilay. O‘zim yetimlikda katta bo‘ldim, o‘g‘limga ham shu taqdirni ravo ko‘rmayman, — deydi navoiylik Nigora Ochilova.

Nigora Ochilovaga xayriya qilishni istasangiz,

8600 0604 5436 0182
9860 0401 1361 9098 
Nigora Ochilova

Murojaat uchun: 90) 731 75 20

Izoh
Asosiy yangiliklar
Mahalliy
Toshkentda voyaga yetmagan bola boshqaruvidagi Matiz harakatsiz turgan Lada bilan to‘qnashdi (video)
Mahalliy
O‘zbekistonda 4-iyun kuni havo harorati 39 darajagacha ko‘tariladi
Mahalliy
Shavkat Mirziyoyev Turkiya prezidentining inauguratsiya marosimida ishtirok etadi