Ўзбекистон Жанубий Корея компанияси билан чиқинди газидан электр энергияси олишга доир битим имзоланди. Бу ҳақда ЎзА хабар берди.
Хабарга кўра, Табиат ресурслари вазирлиги ва Жанубий Кореянинг Sejin G&E Со., LTD. компанияси ўртасида қиймати 55 миллион долларига тенг битим имзоланди. Мазкур битим маиший чиқиндилар полигонларида ҳосил бўладиган чиқинди газини қайта ишлаш ҳисобига электр энергияси ишлаб чиқариш бўйича инвестиция лойиҳасини амалга оширишга қаратилган.
Аввалроқ Тошкент вилоятида маиший чиқинди полигонларида ҳосил бўладиган чиқинди газини қайта ишлаш ҳисобига электр энергиясини ишлаб чиқариш мажмуаси қурилиши айтилган эди.
Изоҳ (0)