Бухоро шаҳридаги устахоналарнинг бирида газ баллони ёрилиши оқибатида икки киши 95 фоиз куйиб, шифохонага олиб келинди. Вилоят ФВБ ахборот хизмати ҳолат юзасидан маълумот берди.
Хабарга кўра, 28 апрель куни соат 16:15 да Фавқулодда вазиятлар бошқармасига фуқаро А.М. томонидан “С.Раҳимов” МФЙ, Ибн Сино кўчаси йўл ёқасида жойлашган автомобилларга газ баллонларини ўрнатиш ва техник хизмат кўрсатиш устахонасида ҳажми 50 литрли суюлтирилган маиший газ баллони ёрилганлиги тўғрисида хабар келиб тушган.
Ҳолат юзасидан воқеа жойига 2 та ёнғин-қутқарув автоэкипажи жалб қилинган. Шифокорларнинг дастлабки ташхисига кўра фуқаролар 1985 йилда туғилган С.Ш. ва 1986 йилда туғилган К.Ш. танасининг 90-95 фоиз куйиш тан жароҳати олиб, Республика шошилинч тиббий ёрдам илмий маркази Бухоро филиали куйиш бўлимига ётқизилган. Ҳозирда уларнинг аҳволи оғир.
Воқеа сабаби ўрганилганда хизмат кўрсатиш устахонасида ҳажми 50 литрли суюлтирилган маиший газ баллонини таъмирлаш жараёнида газ баллони ёрилиб, устахонанинг эшик ва деразаларининг синиб, шикастланишга олиб келгани аниқланган.
Изоҳ (0)