“Менинг йўлим” лойиҳасининг таклиф киритиш босқичи якунланди

“Менинг йўлим” лойиҳасининг таклиф киритиш босқичи якунланди. Бу ҳақда Иқтисодиёт ва молия вазирлиги хабар берди.

27 апрель куни соат 18:00 да “Очиқ бюджет” ахборот порталида эълон қилинган “Менинг йўлим” лойиҳасининг жорий йилги мавсумига таклиф киритиш жараёни якунланган.

Киритилган таклифларга овоз бериш жараёни бугундан бошланиб, 7 май куни соат 18:00 га қадар давом этади. “Менинг йўлим” лойиҳасининг жорий йилги мавсумини молиялаштириш учун бюджетдан 312 миллиард сўмдан ортиқ маблағ ажратилган.

Туман (шаҳар) бюджетларида ҳудудий ички йўлларни таъмирлаш учун режалаштирилган маблағларнинг камида 50 фоиз қисмини фуқаролар фикри асосида йўналтирилишини таъминлаш мақсадида ташкил этилган лойиҳанинг ушбу мавсуми учун республика бўйича 10 317 та ташаббусли таклиф рўйхатга олинган.