Канадада қора айиқ Эрлс Ков шаҳрида яшовчи фуқаронинг машинасига ўтирди ва машинада бўлган 69 қути газланган сувни ичди, деб хабар бермоқда “Правила жизни” нашри.
.jpg)
Машина эгаси Шерон Розелнинг сўзларига кўра, айиқ ширин ичимликларни ичган, бироқ парҳезбоп газланган ичимликларга тегмаган — машинада уч қути шундай ичимлик бўлган.
Розелнинг озиқ-овқат маҳсулотларини ташувчи юк машинаси бор, шу сабабли унинг машинасида мижозларга олиб борилиши керак бўлган ичимликлар бор эди.
Шерон журналистларга тонгги соат 3 да ёввойи ҳайвон ҳидини сезган итнинг ҳуришидан уйғониб кетганини айтган. Аёл балконга чиққан ва газланган сувни олаётган айиқни кўрган.
Аввалига у газланган сув ўғрисини бақириб қувиб чиқармоқчи бўлган. Кейинроқ Шерон турмуш ўртоғининг маслаҳати билан ёввойи ҳайвоннинг устига совуқ сув қуйган, бироқ айиқ бунга эътибор бермаган. Орадан бир ярим соат ўтгач, у ҳайвонни кузатишни тўхтатган ва тонгда машинасини текширган.
Айиқ апелсинли газланган ичимликни, кола ва илдиз пивосини (Шимолий Америкада Сассафрас дарахти қобиғидан тайёрланадиган ширин алкоголсиз ичимлик) ичган. Бунга қўшимча равишда, айиқ чарм қопламани тирнаган ва машина салонини тартибсиз ҳолатга келтирган.
Sunshine Coast Bear Alliance маҳаллий нотижорат ташкилотининг айтишича, бу ҳудудда жуда ақлли айиқлар яшайди ва улар машиналарга мина олади.
Изоҳ (0)