Осиёнинг энг бой одамлари ўнталигига кирган аёл ҳақида маълумот берамиз.
Янг Хуэйян Хитойнинг Country Garden Holdings кўчмас мулкни ривожлантириш холдинги раиси ўринбосари. Янг ва унинг оиласининг компанияси Хитойдаги энг йирик кўчмас мулк ишлаб чиқарувчиси, Янг эса 23,9 миллиард долларлик бойликка эга бўлган энг бой аёл ҳисобланади.
Қизга жуда катта бойлик мерос қолган
Янг Хуэйян бундай катта бойликка эга бўлиш учун ҳаракат қилмаган, чунки у компания акцияларини отасидан мерос қилиб олган, деган фикр бор. Бироқ Хуэйян 14 ёшидаёқ холдинг йиғилишларида иштирок этган ва отаси билан катта музокараларда қатнашган, чунки у ёшлигидан бизнесга қизиққан. Америка Қўшма Штатларидаги университетни тугатгач, Янг отасининг компаниясида харидлар бўйича менежер лавозимини эгаллайди ва икки йилдан сўнг компанияни фонд бозорига олиб чиқади, натижада бир неча миллиард доллар фойда олди. Профессионал хизматлари учун Янг компаниянинг 70 фоиз улушини олади, гарчи ҳозир у 57 фоизга эгалик қилса-да, аммо барибир энг йирик акциядор бўлиб қолмоқда.
Янг бир вақтлар ўқитувчи бўлишни хоҳлаган
Мактабни тугатгач, қиз ота-онаси қарамоғидан озод бўлишни ва ўқитувчилик касбини эгаллашни хоҳлайди: Янг ҳар доим ижтимоий соҳага жалб қилинган. Бироқ отаси қизи университетда ўқишини ва оилавий бизнесни давом эттиришини талаб қилади. Кўриниб турибдики, отаси адашмаган, чунки у компанияни янги босқичга олиб чиқишга муваффақ бўлди. Бироқ Янг орзусидан воз кечмади, лекин ўқитувчи сифатида дарс беришни эмас, балки Англия-Хитой мактабларининг энг йирик тармоғи Bright Scholar Education Holdingsъга раҳбарлик қилишни бошлади.
Янг ва унинг оиласи яширин ҳаёт тарзини олиб боради
Қизнинг шахсий ҳаёти ҳақида кўп нарса маълум эмас: у Манчестер университети битирувчиси Чен Чонгга турмушга чиққан ва у билан холдингни бирга бошқаради. Жамоатчилик ҳали ҳам Янгнинг туғилган санасини, шунингдек, фарзандлари бор-йўқлигини билмайди. Қиз иш жойида ходимлари билан масофа сақлайди, фақат компаниянинг юқори раҳбарияти билан шахсий суҳбатларга рухсат беради.
У ҳар доим ҳам Хитойнинг энг бой аёли бўлмаган
2008 йилда Янг Хуэйян глобал иқтисодий инқироз туфайли деярли бутун бойлигини йўқотганди. Бироқ тез орада Хитойнинг энг бой одамлари ўнталигида ўз мавқейини тиклади, бир неча йил ўтиб эса рўйхатнинг биринчи поғонасига чиқди. 2018 йил январидаги бир нечта муваффақиятли битимлар Янгга 4 кун ичида 2,5 миллиард долларга бойиб кетиш имконини берди.
Изоҳ (0)