Ўзбекистон президентининг фармони билан Бахтиёр Одилович Саидов Ўзбекистон ташқи ишлар вазири лавозимига тасдиқланди. Бу ҳақда Президент матбуот хизмати хабар берди.
Бундан илгарироқ Бахтиёр Саидовнинг номзоди Олий Мажлис Қонунчилик палатаси депутатлари томонидан маъқулланган эди.
2022 йил апрели охирларида президентининг тегишли фармонлари билан Ўзбекистон ташқи ишлар вазири лавозимини эгаллаб келган Абдулазиз Комилов президент ҳузуридаги Хавфсизлик кенгаши котибининг ташқи сиёсат ва хавфсизлик масалалари бўйича ўринбосари лавозимига тайинланганди. Владимир Норов Ўзбекистон ташқи ишлар вазирининг биринчи ўринбосари лавозимига тайинланиб, унинг зиммасига Ўзбекистон ташқи ишлар вазири вазифасини бажариш юклатилганди. Сентябрь ойида Владимир Норов Ўзбекистон ташқи ишлар вазири лавозимига тасдиқланган. Декабрь охирида эса Шавкат Мирзиёевнинг тегишли фармони билан Владимир Норов Ўзбекистон ташқи ишлар вазири лавозимидан озод этилганди.
Шу билан бирга, 2021 йилнинг ноябридан буён Халқ таълими вазирлигига раҳбарлик қилиб келган Бахтиёр Саидов Ўзбекистон ташқи ишлар вазири вазифасини бажарувчи этиб тайинланган эди. Унга қадар Ўзбекистоннинг Хитойдаги элчиси лавозимида фаолият юритган.
Изоҳ (0)