“Циркон” гипертовушли қанотли ракеталари билан қуролланган “Маршал Шапошников” фрегати Россиянинг энг хавфли денгиз кемаси ҳисобланади. Бу ҳақда Military Watch хабар берди.
Мақола муаллифлари гипертовушли қанотли ракетанинг кема билан бирга фойдаланилишини “Маршал Шапошников”нинг энг пухта ўйланган такомиллаштируви деб атаган.
2017 йилдан бери сувости кемаларига қарши фрегат сезиларли даражада такомиллаштирилди. Кема замонавийроқ сенсорлар, электроника ва қуроллар билан жиҳозланган. Бу қурол дунёдаги кемага қарши қанотли ракеталарнинг энг хавфли синфи ҳисобланади.
“Фрегат дастлаб кемага қарши мақсадларда ишлаб чиқилмаганига қарамай, фақат ‘Циркон’лар туфайли у бошқа қуроллардан фойдаланмасдан туриб ерусти зарбалари гуруҳини зарарсизлантиришга қодир”, — дейилади хабарда.
“Маршал Шапошников” фрегати — Россия денгиз флотининг Тинч океан флоти таркибига кирувчи 1155М лойиҳасининг 1-даражали Совет ва Россия кўп мақсадли фрегати. Борт рақами 543. Фрегат Совет итифоқи маршали Борис Михайлович Шапошников шарафига номланган.
Кема 1982 йил Россия денгиз флоти рўйхатига киритилган. 1983 йилда Калининграддаги “Янтар” кемасозлик заводида катта сувости кемасига қарши кема сифатида қурилган. 1985 йил январь ойида ишга туширилган. 1985 йил 30 декабрда фойдаланишга топширилган, бир йил ўтиб Тинч океан флотида рўйхатга олинган.
Изоҳ (0)