Хитой Украинадаги конфликт томонларнинг ҳеч бирига қурол сотмайди. Бу ҳақда Хитой ташқи ишлар вазири Цинь Ганнинг нутқига таяниб, Associated Press хабар берди.
Сиёсатчи Ғарбнинг Хитой Россияни ҳарбий ёрдам билан қўллаб-қувватлаши мумкинлиги ҳақидаги хавотирларига шу тариқа жавоб қайтарди. Хитой конфликтда мутлақо нейтрал позицияни эгаллаши, Россияни сиёсий ва иқтисодий жиҳатдан қўллаб-қувватлаш эса “санкциялар ва Москванинг яккаланиши” фонида мувозанат сари қадам экани билдирилди.
“Хитой конфликтнинг тегишли томонларига қурол етказиб бермайди, бу ерда Пекин оқилона позицияни эгаллайди”, — деган вазир.
Шунингдек, у Пекин икки мақсадли фуқаролик ва ҳарбий товарлар экспортини тартибга солишини қўшимча қилди.
“Ҳарбий маҳсулотлар экспортига келсак, Хитой қонун ва қоидаларга мувофиқ икки мақсадли товар экспортини бошқаради ва назорат қилади”, — деди Цинь.
Шунингдек, у Хитой можарони тинч йўл билан ҳал қилишда ёрдам беришга тайёрлигини таъкидлади.
Эслатиб ўтамиз, 13 апрель куни The Washington Post газетаси Хитой Россия учун қуроллар беришни маъқуллаганини ёзганди.
5 апрель куни НАТО яна Хитойни Россияга қурол-яроғ билан ёрдам бермасликка чақирди. Алянс бош котиби Йенс Столтенбергнинг сўзларига кўра, Пекин Кремлга ҳарбий ёрдам етказилиши тарихий хато бўлишини билади.
3 март куни ОАВ Хитой қурол-яроғи етказиб берилиши ҳақидаги маълумотлар сизиб чиққани учун Россиядан ғазаблангани ҳақида хабар берди.
Изоҳ (0)