Ҳар бир актёр карьерасида бурилиш нуқтаси бўладиган ажойиб ролни ўйнашни орзу қилади. Режиссёр ва продюсерлар эътиборини жалб қилиш учун баъзилар тўғридан тўғри уларнинг олдига боради. Бошқалар эса таклифларга бепарво муносабатда бўлишади ва оламшумул шуҳрат келтирадиган ролларни рад этишади.
Маркус Чонг — “Матрица”
Тенк ролини ижро этган Маркус Чонг “Матрица: қайта юклаш” ва “Матрица: инқилоб” фильмларидаги рол учун ақл бовар қилмас талаблар қўйиб, 500 минг доллар талаб қилганидан сўнг “Матрица” фильмидан четлатилган. У ва унинг адвокатлари билан музокаралардан сўнг, режиссёрлар актёрга иккала фильм учун 250 минг доллар тўлашга тайёр эдилар, аммо актёр бунга кўнмайди.
Чонгнинг персонажи асосий эмаслигига қарамай, у сюжет учун муҳим ва қайсидир нуқтада марказий қаҳрамонларнинг омон қолишига ёрдам беради. Шунга қарамай, режиссёрлар жуда содда ва силлиқ қилиб унинг йўқлигини қистириб кетишади: “Матрица: қайта юклаш”да Тенк қандайдир топшириқни бажариш вақтида ҳалок бўлгани айтиб ўтилади.
Шон Коннери — “Узуклар ҳукмдори”
Актёр Шон Коннерига “Узуклар ҳукмдори” фильмидаги Гендалф ролини таклиф қилишади. Актёр ўзининг ажойиб кино карьераси билан режиссёрлар эътиборини тортганди. Продюсерлари уни рози қилиш учун 30 миллион доллар ва кассанинг 15 фоизини таклиф қилишади. Бироқ юлдуз бу ролни рад этади.
Биринчидан, Гендалф роли Янги Зеландияда узоқ муддатли суратга олишни ўз ичига оларди, бу актёрнинг хоҳиши ва режаларига мос келмасди. Иккинчидан, йиллар ўтиб, сер Шон Коннери сценарий билан боғлиқ хавотирлар туфайли ролдан воз кечганини тан олади, у шунчаки сценарийни тушунмаган.
Мишел Пфайффер — “Қўзилар сукунати”
Мишел Пфайффер “Қўзилар сукунати” фильмида бош қаҳрамон Кларис ролини ўйнаш таклифини олган биринчи актрисалардан бири бўлиб, кейинчалик бу култ фильмига айланди. Бироқ у лойиҳага қизиққанига қарамай, ролни рад этади. Бунга шундай қўрқинчли ва даҳшатли сценарий асосида суратга тушишни истамагани сабаб бўлади. У бундай образ яратишни хоҳламайди, айниқса охирини ҳисобга олган ҳолда.
Кети Холмс — “Қора рицар”
“Бетмен: Муқаддима” фильмидаги муваффақиятдан сўнг, Кети Холмсга “Қора рицар” фильмидаги Рейчел Доус ролини таклиф қилишганда, актриса бошқа образларни синаб кўриш ва бошқа ролларни ўрганиш зарурлигини ҳис қилиб, бу таклифдан воз кечади.
Умуман олганда, актрисанинг таъкидлашича, бу ҳаётининг ўша даври учун тўғри танлов эди. Бироқ ташқаридан у ўзини оқламагандек кўринади, чунки Холмс афзал кўрган “Осон топилган пул” фильми кассада муваффақиятсизликка учрайди, “Қора рицар” эса катта муваффақиятга эришади.
Жорж Лазенби — “Жеймс Бонд”
.jpg)
Австралиялик актёр Жорж Лазенби франшизани шошилинч тарк этиб, унутилиб кетишдан олдин фақат битта фильмда Жеймс Бонд ролида пайдо бўлди. Маълум бўлишича, бунинг сабаблари жуда кўп. Биринчидан, актёр ва режиссёр Питер Хант ўртасидаги адоват ақл бовар қилмайдиган даражага етади. Иккинчидан, Лазенби уни услуб ва гўзаллик тимсолига айлантиришаётганини умуман ёқтирмасди ва у кўпроқ Клинт Иствудга ўхшашни хоҳларди.
Бироқ воқелик охир-оқибат австралияликларнинг кутганларига тўғри келмади. Битта ролдан кейин гарчи муваффақиятли бўлса ҳам, унга иш топиш қийин бўлди ва ҳаммаси унчалик машҳур бўлмаган фильм ва лойиҳаларда иштирок этиш билан чекланди. Кейинчалик Лезенби Бондни тарк этиш хато бўлганини тан олди.
Рейчел Макадамс — “Қаттиққўл хоним”
Маълум бўлишича, “Қатттиққўл хоним” фильмидаги Энди Сакснинг ролига дастлаб Рейчел Макадамс таклиф қилинган, аммо актриса 3 мартада ҳам қатъиян рад этган. Бунинг сабаби аниқ эмас: “Хотиралар кундалиги” ва “Ёмон қизлар” фильмларининг глобал муваффақиятидан сўнг, Макадамс эътибордан бироз чарчаган ва унчалик катта бўлмаган ролларни ўйнашга қарор қилган.
Аммо Энн Хетеуэй кинокомпаниянинг собиқ президенти Элизабет Габлерга қўнғироқ қилади ва компания раҳбарининг офисига келиб, бу ролга муносиб эканига уни ишонтиради. Мерил Стрип эса актрисанинг тақдирида ҳал қилувчи рол ўйнайди. У Хетеуэйнинг истеъдодини юқори баҳолаб, улар биргаликда ажойиб образ яратишларига директорни ишонтиради.
Стюарт Таунсенд — “Узуклар ҳукмдори”
Арагорн ролини Вигго Мортенсендан бошқа актёр ўйнашини тасаввур қилиш қийин. Бироқ ирландиялик актёр Стюарт Таунсенд фильмни суратга олиш бошланишидан бир ҳафта олдин ишдан бўшатилгунча, бу ролни ўйнаши керак эди. Ҳамкасблари билан яхши муносабатда бўлишига қарамай, у билан ишлаш бироз қийин бўлган.
Масалан, Таунсенд машғулотларни, шу жумладан унинг қаҳрамони учун муҳим бўлган хавфсизлик ва қиличбозлик сабоқларини очиқчасига ўтказиб юборади. Бундан ташқари, актёр гўё ёши туфайли ўзига ишонмаган ва баъзида шу қадар ёлғизланиб қолганки, ҳамкасбларига у умуман фильмда рол ўйнашни хоҳламагандек туюларди. Кейин режиссёр Питер Жексон Таунсенднинг суратга олиш ишларига бардош бера олишига шубҳа қила бошлайди ва унинг ўрнига бошқа актёр топишга қарор қилади.
Изоҳ (0)