“Тахтлар ўйини” франшизасидаги машҳур ролларидан кейин бошқа фильм ва сериалларда ҳам ажойиб образ яратган актёр ва актрисалар

“Тахтлар ўйини” ва унинг “Аждаҳо уйи” спин-оффи том маънода баъзи кино юлдузларига катта шуҳрат келтирди. Кўпинча машҳур сериалларнинг актёрлари ва актрисалари ўз ролларига содиқ қолишади ва улар камдан-кам ҳолларда бошқа образни ўйнашади. Бироқ мақоламиз қаҳрамонлари битта образга ёпишиб олмай, муваффақиятли актёрлик фаолиятини давом эттиришни уддалашди.

Педро Паскал

“Тахтлар ўйини”да актёр 2-пландаги ролни ўйнаган. Сериалдан сўнг Педро “Мўжизакор аёл: 1984” каби машҳур фильмларда ўйнади. Аммо у “Мандалориялик” ва “Биримиз” телесериаллари туфайли машҳурликка эришди.

Эмилия Кларк

Эмилия Кларк “Тахтлар ўйини” фильмидаги асосий роллардан бири — Даенерис Таргаренни ўйнади. Шундан сўнг актриса узоқ вақт давомида фильм ва сериалларда рол ўйнамади. Бироқ 2019 йилда “Икки кишилик Рождество” комедияси чиқди, унда актриса Катарина ролини ўйнади. Бу йил у “Стручков авлоди” фильми ва “Сирли ҳужум” сериали билан экранларга қайтади.

Кит Ҳарингтон

Жон Сноу ролидан кейин актёр бошқа фильмларда ҳам фаол рол ўйнади. Аммо унинг энг эсда қоларли қаҳрамони “Умрбоқийлар” фильмидаги Қора рицардир.

Гвендолин Кристи

“Тахтлар ўйини”дан сўнг Гвендолин муносиб машҳурликка эришганга ўхшайди, у сериал суратга олиниши пайтида ҳам, ундан кейин ҳам кўп ролларни ўйнаган. Энг эсда қоларли фильмлар “Юлдузлар жанги” ва “Уэнздей” телесериаллари бўлди.

Питер Динклейж

Актёр “Тахтлар ўйини” олдидан ажойиб фильмографияга эга эди. Аммо сериал тугаганидан кейин ҳам у мухлисларни янги фильмлар билан хурсанд қилишда давом этди. Унинг энг эсда қоларли роллари “Эббинг ташқарисидаги учта билборд” ва “Сирано” фильмлари эди.

Николай Костер-Валдау

Актёр Жейм Леннистер ролини 2011 йилда сериалнинг биринчи эпизодидан бошлаб ижро этган. “Тахтлар ўйини” фильмидан сўнг, у бир нечта Дания фильмларида рол ўйнаган: “Домино” (2019), “Ҳаёт таъми” (2021), “Муз билан кураш” (2022). Бу йил эса у Женнифер Гарнер билан бирга “У айтган охирги сўз” сериалида экранларга чиқади.

Жон Бредли

“Тахтлар ўйини” фильмида актёр хушмуомала Семвелл Тарли ролини ижро этган. Сериалдан сўнг Жон "Оила қурайлик" ва "Ой тушиши" каби фильмларда рол ўйнади.

Эйдан Гиллен

Эйдан Гиллен ҳам “Тахтлар ўйини” да ўйнамасдан олдин ҳам жуда машҳур актёр эди. Аммо шунга қарамай, у актёрлик фаолиятини муваффақиятли давом эттирди ва “Лабиринтдагилар”, “Ўткир виқорлилар”, “Мовий китоб” каби фильмларда иштирок этди.

Мейси Уильямс

Мейси Уильямс жуда иқтидорли қиз, чунки у нафақат актриса, балки интернет-тадбиркор ҳам. Аря Старк ролидан кейин Мейси фильмларда рол ўйнашни давом эттирди ва “Х-Одамлар: Янги мутантлар”, “Кирма”, “Тўппонча” каби фильмларда ўйнади.

Милли Олкок

Милли ёш Ренеира Таргарен ролини ўйнади ва “Аждаҳо уйи” фильмидан сўнг у “Пианино” сериалида асосий роллардан бирини ижро этди.