АПЛ. “Ливерпуль” 7 та гол урилган ўйинда рақибини тор-мор этди, Салоҳ ва Жотада дубль (видео)

Футбол бўйича Англия Премьер Лигасининг 31-турида “Ливерпуль” 17 апрель, душанба куни “Лидс” майдонига сафар қилди.

Учрашувнинг 35-дақиқасида Коди Гакпо меҳмонларнинг дастлабки голини урди. 39-дақиқада Муҳаммад Салоҳ орадаги фарқни оширди.

Иккинчи бўлимнинг 2-дақиқасида майдон эгалари ҳисобни қисқартирди. Шундан кейин “қизиллар” рақиб дарвозасига жавобсиз тўртта тўп киритди. Диогу Жота (2 та), Салоҳ ва Дарвин Нуньес голларга муаллифлик қилди.

Юрген Клопп қўл остидаги жамоа барча мусобақалар доирасида бешта ўйин деганда илк бор ғалаба қозонди. “Манчестер Юнайтед”га қарши 7:0 ҳисоби билан тугаган ўйиндан кейин мерсисайдликлар ғалаба нималигини билмай келаётганди.

31-тур ўйинларидан кейин мусобақа жадвали қуйидаги кўринишни олди:

АПЛ

31-тур баҳси

17 апрель, душанба

“Лидс” – “Ливерпуль” 1:6

Голлар: 0:1 – 35 Гакпо, 0:2 – 39 Салоҳ, 1:2 – 47 Синистерра, 1:3 – 52 Диогу Жота, 1:4 – 64 Салоҳ, 1:5 – 73 Диогу Жота, 1:6 – 90 Нуньес.

“Лидс”: Меле, Кристенсен, Стрейк, Кох, Фирпо, Рока, Ҳаррисон (Нионто, 77), Маккенни, Ааронсон (Рюттер, 66), Родриго (Саммервилл, 66), Синистерра (Форшоу, 77).

“Ливерпуль”: Алиссон, Александер-Арнолд, ван Дейк, Konaте, Робертсон, Ҳендерсон (Милнер, 81), Фабиньо (Тиаго Алькантара, 85), Жонс, Салоҳ (Нуньес, 81), Диогу Жота (Фирмино, 82), Гакпо (Диас, 81).

Огоҳлантириш: Фабиньо (42).