Тошкент 2023 йилнинг 30 апрелидан 14 майигача бокс бўйича катталар ўртасида Жаҳон чемпионатига мезбонлик қилади.
Халқаро бокс ассоциацияси (IBA) мазкур мусобақанинг соврин жамғармасини эълон қилди. Унга кўра, турнирнинг умумий соврин жамғармаси 5,2 миллион долларни ташкил этади. Қайд этиш керак, бу рекорд натижа ҳисобланади.
Совриндорлар қуйидаги пул мукофотлари билан тақдирланади:
- Олтин — 200 минг доллар
- Кумуш — 100 минг доллар
- Бронза — 50 минг доллар
Жаҳон чемпионатида 13 та вазн тоифаси бўйича жанглар ўтказилади.
Аввалроқ АҚШ, Швеция, Ирландия, Чехия ва Канада бокс федерациялари Ҳиндистон (аёллар ўртасида) ва Ўзбекистонда (эркаклар ўртасида) бўлиб ўтадиган бокс бўйича Жаҳон сҳемпионатига бойкот эълон қилгани хабар қилинганди. Кейинчалик Украина ва Норвегия ҳам уларга қўшилган. Бунга сабаб сифатида федерациялар Россия ва Беларусь боксчиларига мусобақаларда ўз байроғи остида ҳаракат қилишга рухсат берилганини қайд этганди.
Эслатиб ўтамиз, россиялик Умар Кремлёв 2020 йилнинг декабридан буён IBA’ни бошқариб келмоқда. Бунгача у Россия бокс федерацияси бош котиби лавозимида ишлаган. У лавозимга тайинланган пайтда ташкилотнинг қарзлари 20 миллион долларни ташкил қилган. 2021 йилнинг май ойида Кремль барча қарзларнинг тўлиқ қайтарилишини эълон қилган. 2022 йилда Кремлёв IBA президентлигига қайта сайланди.
Изоҳ (0)