Футбол бўйича Ўзбекистон Суперлигасининг 6-тури доирасида кечган “Бунёдкор” — “Насаф” учрашувидан (1:1) кейин ҳар икки жамоа вакиллари ўртасида жанжал юзага келди.
“Бунёдкор” футболчилари 90+6-дақиқада гол урганидан кейин голни қаршилик мухлислар ёнига бориб нишонлади ва шундан кейин футболчилар ўртасида тортишув келиб чиқди. Ҳакам ҳуштаги чалинганидан кейин ҳам тортишув давом этди. Маълум вақт футболчилар тинчланди.
“Бунёдкор” сардори Даврон Эргашевнинг эмоционал ҳайқириқлари майдонни тарк этаётган “Насаф” вакилларига ёқмади ва ўртада яна жанжал бошланди. Трибуналар остида ҳам икки жамоа вакиллари узоқ вақтгача бир-бирини ҳақоратлаган ҳолда жанжаллашишда давом этди. Вазиятга хавфсизликни муҳофаза қилувчи орган ходимлари аралашди.
Ўйиндан кейинги матбуот анжуманида “Насаф” устози Рўзиқул Бердиев жанжал нимадан келиб чиққанини айтди.
Ўйиндан кейин ҳамма тинчланиб, майдонни тарк этаётган эди. Эргашев биз томонга ишора қилиб, ҳар хил қилиқлар амалга оширди. Бундай вазиятда исталган одам буни жавобсиз қолдирмайди. Унинг ёнига бордим ва шундай дедим: “Нима қиляпсан. Катта одамсан, бунақа қилиқлар кўрсатишинг нимаси? Ҳатто ўйинни ютганинг йўқ. Уйингда дуранг ўйнадинг”. Бу футболчи билан бундай ҳолат юз бериши биринчи марта эмас, аввал ҳам шунга ўхшаш вазият бўлган, — дейди Бердиев.
Изоҳ (0)