Ўзбекистон футбол ассоциацияси тартиб-интизом қўмитаси Суперлига 6-тури доирасида ўтган “Бунёдкор” ва “Насаф” жамоалари ўртасидаги ўйиндан кейин юзага келган вазиятни кўриб чиқади, дея хабар қилмоқда ташкилот матбуот хизмати.
Баёнотида қайд этилишича, ЎФА ва ПФЛ мутахассисларидан иборат ишчи гуруҳ мавжуд видеоматериаллар ҳамда учрашув расмийларининг ҳисоботини ўргани чиқмоқда.
“Барча маълумотлар тартиб-интизом қўмитасига тақдим этилади. Айбдорлар аниқланиб, уларга нисбатан ўрнатилган тартибда чора кўрилади”, — дейилади ЎФА баёнотида.
“Бунёдкор” футболчилари 90+6-дақиқада гол урганидан кейин голни қаршилик мухлислар ёнига бориб нишонлади ва шундан кейин футболчилар ўртасида тортишув келиб чиқди. Ҳакам ҳуштаги чалинганидан кейин ҳам тортишув давом этди. Маълум вақт футболчилар тинчланди.
“Бунёдкор” сардори Даврон Эргашевнинг эмоционал ҳайқириқлари майдонни тарк этаётган “Насаф” вакилларига ёқмади ва ўртада яна жанжал бошланди. Трибуналар остида ҳам икки жамоа вакиллари узоқ вақтгача бир-бирини ҳақоратлаган ҳолда жанжаллашишда давом этди. Вазиятга хавфсизликни муҳофаза қилувчи орган ходимлари аралашди.
Изоҳ (0)