17 апрель куни эрталаб Қозоғистоннинг Жанаўзен шаҳридаги икки қаватли турар жойда газ баллони портлаб, бино подъезди қулаши оқибатида тўрт киши ҳалок бўлди. Бу ҳақда Республика Фавқулодда вазиятлар вазирлиги матбуот хизмати хабар берди.
“Соат 11:45 (Тошкент вақти билан 10:45) ҳолатига вайроналар остидан бир аёлнинг жасади чиқарилди. Шу тариқа, айни вақтгача вайроналар остидан тўрт киши тирик, яна тўрт киши ўлик ҳолда топилди. Олти киши шифохонада”, — дейилади вазирлик хабарида.
Вайронагарчиликни бартараф этиш ишлари давом этмоқда, воқеа жойида 40 га яқин техника ва 350 га яқин одам жалб этилган. Портлаш бўйича жиноий иш қўзғатилган.
Изоҳ (0)