Россиянинг Санкт-Петербург шаҳридаги кафелардан бирида портлаш содир бўлди, оқибатда урушни тарғиб қилувчи пропагандачи блогер Владлен Татарский ҳалок бўлди. Россия Миллий аксилтеррор қўмитаси қотилликни Украина махсус хизматлари режалаштирганини даъво қилмоқда.
Ҳодиса 2 апрель куни Университецкая соҳилидаги кафеда рўй берган, у ерда Татарскийнинг ижодий кечаси ўтказилаётган эди. Кафега ташриф буюрган Даря Трепова исмли қиз Татарскийга совға қилган ҳайкалча ичида портловчи модда бўлган. Портлаш оқибатида 32 киши жароҳатланган, 25 киши касалхонага ётқизилган. Владлен Татарскийнинг ўзи ҳалок бўлган.
Даря Трепова 3 апрель куни Санкт-Петербургдаги ижарага олинган квартирасида қўлга олинди. Қиз ундан фойдаланишганини айтди.
360тв хабарига кўра, Татарскийнинг ўлдирилишида гумонланаётган қиз Ўзбекистонга чиқиб кетишни режалаштириб, чипта сотиб олган.
Россия Миллий аксилтеррор қўмитаси даъвосига кўра, Татарскийга қарши содир этилган “теракт” Украина махсус хизматлари томонидан Навалнийнинг Коррупцияга қарши кураш ташкилоти агентлари иштирокида режалаштирилган. Қўмита шунингдек, ҳибсга олинган Даря Трепова Навалний командасининг фаол тарафдори эканини таъкидлади.
Изоҳ (0)