Қозоғистоннинг Чимкент шаҳрида 10 ёшли боланинг миясидан қурт олиб ташланди. Бу ҳақда маҳаллий Otyrar нашри хабар берди.
Маълум қилинишича, бола доимий бош оғриғидан шикоят қилган. Магнит-резонанс томография ёрдамида шифокорлар болада мия эхинококкозини аниқлаган. Бу жуда кам учрайдиган касаллик ҳисобланади.
Натижада шифокорлар болада 2 соат давомида жарроҳлик амалиётини олиб борган. Унинг миясидан 10-15 га яқин 15 сантиметргача бўлган тасмасимон қуртлар олиб ташланган. Бемор 2 кун интенсив терапияда ётган, кейин палатага ўтказилган. Бир ҳафта ўтгач, бола уйга юборилган. Ҳозирда у шифокорлар назоратида.
Миянинг эхинококкози — марказий асаб тизимининг касаллиги. Паразитлар танага гигиена қоидаларига риоя қилмаслик оқибатида киради. Ўз вақтида даволанмаса, эхинококкоз ўлимга олиб келиши мумкин.
Изоҳ (0)