Ҳиндистондан 3,2 кг олтинни олиб чиқишга уринган ўзбекистонлик эркак ушланди

Ҳиндистонда Индира Ганди аэропортидан 3,2 килограмм олтинни ноқонуний олиб ўтмоқчи бўлган ўзбекистонлик эркак ушланди. Бу ҳақда India Times хабар берди.

Маълум қилинишича, Ўзбекистон фуқароси Дубай рейсини амалга ошириш учун Чандигарҳ аэропортига қочиб кетган пайти ушланган.

“У олтинларни аравага яшириб, Чандигархга қочиб кетган. Биз уни ўша ерда қўлга олиб, Деҳлига олиб келдик. Ўзбекистонлик эркак багаж аравачаси ичига умумий оғирлиги 3208 грамм бўлган 15 дона тилла занжир ва 17 дона ярим шар шаклидаги тилла буюмларни яширган. Аммо қўлга тушиши мумкинлигини англаб, 13 апрель куни олтин солинган аравачани рентген аппарати ёнига қўйиб, аэропортни тарк этган”, — дейди расмий.

Худди шу куни олтин буюмлар аниқланган. Текширувдан сўнг айбланувчининг шахси аниқланган ва у Чандигарҳдан Дубайга қочишни режалаштиргани маълум бўлган. Маълумот Чандигарҳдаги расмийларга етказилган ва ўзбекистонлик эркак у ерда қўлга олиниб, Индира Ганди аэропортига олиб келинган.

“Олтин Божхона тўғрисидаги қонуннинг 110-моддасига мувофиқ олиб қўйилди ва йўловчи 104-моддага мувофиқ ҳибсга олинди”, — дейилади хабарда.

Мусодара қилинган олтиннинг умумий қиймати 1,7 миллион рупийга (21 минг доллар) баҳоланган.