Пентагоннинг интернетга сиздирилган махфий ҳужжати Украина армияси қарши қачон бошлаши ҳақидаги маълумотни ўз ичига олган. Бу ҳақда Newsweek хабар берди.
Америкаликлар Украинадаги жанг майдонидаги вазиятни, хусусан, Донецк вилоятидаги Бахмутни диққат билан кузатиб бормоқда. Руслар шаҳарни ўз назорати остига олишга уриниб, асосий кучларини шу ерда тўплаган. АҚШ ҳужжатларидан олинган баъзи маълумотлар шуни кўрсатадики, Бахмут ҳақиқатан ҳам аста-секин босқинчилар қўлига ўтмоқда.
“Шаҳарни йўқотиш психологик зарба бўларди, аммо шаҳар умумий уруш учун муҳим аҳамиятга эга эмас. АҚШ ва унинг иттифоқчилари Украинани баҳорги ‘аксил ҳужум’га тайёрлаётган ҳолда келажакка умид қилмоқда. Ҳужжатларда бу апрель ойи охирига мўлжаллангани келтирилади”, — дейилади хабарда.
Newsweek нашри қарши ҳужум 30 апрель бўлиши мумкинлиги, бу реал фактларга эмас, балки телефон суҳбатларини тинглашларга асосланганини маълум қилди.
Америка ҳужжатларида рус армиясининг йўқотишлари ҳақида ҳам маълумот келтириб ўтилган. Хусусан, биргина февраль ойида улар 43 минг кишини йўқотгани ва яна 180 минг киши жиддий жароҳат олган. Украинанинг умумий йўқотишлари ҳам берилган. Уруш бошланганидан ҳозиргача Украина Қуролли кучлари 130 мингдан ортиқ одамни йўқотган.
Украина Қуролли кучлари қарши ҳужуми бошланиши мумкин бўлган сананинг “сизиб чиқиши" ҳақида изоҳ бермади.
Изоҳ (0)