Британия қиролининг шахсий бойлиги Елизавета II никидан ошиб кетди

Британия қироли Чарльз III нинг шахсий бойлиги 600 миллион фунт стерлингни ёки 745 миллион долларни ташкил этади. Бу ҳақда The Times хабар берди.

Маълум қилинишича, қиролнинг марҳума онаси Елизавета II нинг бойлиги 370 миллион фунт стерлингни (460 миллион доллар) ташкил қилганди. Журналистлар Чарльз III иқтисодий тежамкор эканига эътибор қаратади. Монарх Корнуол герсоглигидан (Буюк Британия қироллик тахти меросхўрига тегишли бўлган умумий кўчмас мулк) олган фойданинг бир қисмини тежаган.

Корнуол герсоглиги анъанавий равишда тахт вориси томонидан бошқарилади. У 130 000 акр ерни, 260 фермани, Лондон жанубидаги крикет майдончасини ва Дартмур қамоқхонаси жойлашган ерни ўз ичига олади.

10 йил давомида — 2012 йилдан 2022 йилгача — Корнуол Чарльз III га ўзининг умумий бойлигининг учдан бир қисмини — 212,7 миллион фунт стерлингни (264 миллион доллар) олиб келди. Аммо қирол ўз мол-мулкидан келадиган даромадни санаб ўтирибгина қолмай, балки уларнинг ривожланишига ҳам сармоя киритди. 

Журналистларнинг ҳисоб-китобларига кўра, худди шу йилларда герсоглик давлати 1,5 бараварга — 1,04 миллиард фунт стерлинггача (1,3 миллиард доллар) ошган. Йиллик фойда ҳам тахминан бир хил ҳажмда — 25,4 миллион фунт стерлингга (31 миллион доллар) ошган.

Қирол Чарльз III да камтарона ҳаёт кечирадиган одам қиёфаси бор: у кўпинча одми костюм ва пойабзал да кўриниш бериши, шунингдек, у энергия истеъмолига эҳтиёткорлик билан муносабатда бўлиши билан машҳур.

Чарльз III Британия тахтига 2022 йил 10 сентябрда, онаси вафотидан икки кун ўтиб ўтирди. Елизавета II Буюк Британияни 70 йил бошқарди.