Хоразм вилоятининг қатор ҳудудларида 14 апрель куни эрта тонгда кучли шамол кузатилгани боис электр узатиш тармоқларида узилишлар кузатилмоқда. Бу ҳақда “Ҳудудий электр тармоқлари” вилоят филиали хабар берди.
![](/static/2023/04/Fozilbek/photo_2023-04-14_08-53-45.jpg)
“Айни вақтда юзага келган электр энергиясидаги узилишларни бартараф этиш учун барча тезкор чиқиш бригадалари жалб қилинган, бундай ҳолатда бизни тўғри тушунасиз деган уммиддамиз”, — дейилади хабарда.
“Ўзгидромет” раҳбари 12—14 апрель кунлари республика бўйича баъзи жойларда шамол тезлиги кучайиши, айрим жойларда чанг-тўзонлар кузатилиши мумкинлигидан огоҳлантирганди. Шунингдек, мамлакат ҳудудига 15—17 апрель кунлари совуқ ва нам ҳаво массалари кириб келади. Шу кунлари баъзи жойларда шамол тезлиги 17-22 метр/секундгача кучайиши, айрим жойларда эса чанг-тўзон билан кузатилиши кутилмоқда.