Тошкент шаҳар Юнусобод туманида халқаро террористик ташкилот аъзолари бўлган уч нафар эркакка суд ҳукми ўқилди.
Хабарга кўра, 1995-1996-1999 йилда туғилган судланувчилар бир гуруҳ бўлиб, белгиланган тартибни бузиб, чет элга чиқиш, аҳоли тинчини бузиш, терроризм ва шунга ўхшаш бошқа ҳолатлар билан боғлиқ жиноятларни содир этган. Шунингдек, улар қўлбола усулда ясалувчи портловчи ускуна ва моддаларни ясашни ўрганиш мақсадида гуруҳга бирлашган. Улар халқаро террористик ташкилотнинг ғояларини қўллаб-қувватлаб келган.
Жиноят ишлари бўйича Юнусобод туман судида диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш, қонунга хилоф равишда чет элга чиқиш ёки Ўзбекистонга кириш, террорчилик фаолиятини амалга ошириш мақсадида ўқувдан ўтиш, чиқиш ёки ҳаракатланиш; Ўзбекистоннинг конституциявий тузумига тажовуз қилиш, жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш, терроризмни молиялаштириш, ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш жиноятларини содир этганликда айбли деб топилган шахсларга оид жиноят иши кўриб чиқилди.
Судланувчилар Жиноят кодексининг 59-моддаси тартибида 15 йил муддатга озодликдан маҳрум этилди
Изоҳ (0)