Instagram: Туғилган кунини нишонлаётган Муқаддас Холиқова, Нилуфар Усмоновага аталган сюрприз, АҚШга бора олмайдиган “Миллион”

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Турк киносининг юлдузли жуфтлиги Бурак Ўзчивит ва Фаҳрие Эвжен тўнғич фарзандлари Караннинг туғилган кунини нишонлади. 

Хонанда Нилуфар Усмонова айни пайтда ўғиллари Иброҳим ва Сулаймон билан Истанбул шаҳрида ҳордиқ чиқармоқда. Хонанданинг Лондонда таҳсил оладиган тўнғич фарзанди Саидаъзамхон онаси ва укалари билан кўришиш учун кутилмаганда Англиядан Туркияга учиб келди. Фарзанди билан бир неча ойдан бери кўришмаган хонанда мухлисларига ушбу жараёндаги ҳаяжонлари ҳақида сўзлаб берди.

Baby Моhi тахаллуси билан ижод қилувчи хонанда Моҳларойим турмуш ўртоғи билан Дубайда саёҳат қилмоқда. 

14 апрель куни эл ардоғидаги актриса Муқаддас Холиқова туғилган кунини нишонламоқда. Миллий театр актёрлари актрисани ушбу сана билан қутлаш мақсадида саҳарлик вақтида унинг хонадонига ташриф буюрди.



Хонанда Лола уйдаги зўравонликка учраган аёллар ҳимояси янги Конституцияда мустаҳкамланаётганини алоҳида эътироф этди. 

Ўзбек миллий академик драма театри актрисаси Шаҳноза Ҳожиматова унаштирилди. У фотиҳа тўйи акс этган видеоларни саҳифасига жойлади.



Таниқли актёр Жавоҳир Зокиров синглиси Оҳистани туғилган куни билан табриклади. 

Юлдуз Усмонова ўзи туғилиб ўсган Марғилон шаҳрида опа-сингиллари билан истироҳат боғига бориб, аттракционларда учгани акс этган видеони кузатувчиларига кўрсатди.



Вайнер Liil Хуррамов янги қўшиғига клип суратга олдирмоқда.



Айни пайтда Умра амалини адо этаётган хонанда Умар Шамсиев Макка шаҳрида рўзадорларга хурмо тарқатди.



АҚШнинг Ўзбекистондаги ваколатхонаси томонидан “Миллион” кулги жамоасига виза бериш рад этилган. Бу ҳақда кулги жамоаси сардори Даврон Кабулов кузатувчиларининг саволларига жавоб бера туриб, сўзлаб берди. 

DJ Пилигрим Mercedes GLE 350E гибрид автомобилини харид қилди. 




Турк актёри Мурат Йилдирим туғилган куни билан табриклаган барча мухлисларига миннатдорчилик билдирди. 

Ўзбекистон халқ артисти Гулчеҳра Саъдуллаева туғилган кунини фарзандлари, невара ва чеваралари даврасида нишонлади.