Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Turk kinosining yulduzli juftligi Burak O‘zchivit va Fahriye Evjen to‘ng‘ich farzandlari Karanning tug‘ilgan kunini nishonladi.
Xonanda Nilufar Usmonova ayni paytda o‘g‘illari Ibrohim va Sulaymon bilan Istanbul shahrida hordiq chiqarmoqda. Xonandaning Londonda tahsil oladigan to‘ng‘ich farzandi Saida’zamxon onasi va ukalari bilan ko‘rishish uchun kutilmaganda Angliyadan Turkiyaga uchib keldi. Farzandi bilan bir necha oydan beri ko‘rishmagan xonanda muxlislariga ushbu jarayondagi hayajonlari haqida so‘zlab berdi.
Baby Mohi taxallusi bilan ijod qiluvchi xonanda Mohlaroyim turmush o‘rtog‘i bilan Dubayda sayohat qilmoqda.
14-aprel kuni el ardog‘idagi aktrisa Muqaddas Xoliqova tug‘ilgan kunini nishonlamoqda. Milliy teatr aktyorlari aktrisani ushbu sana bilan qutlash maqsadida saharlik vaqtida uning xonadoniga tashrif buyurdi.
Xonanda Lola uydagi zo‘ravonlikka uchragan ayollar himoyasi yangi Konstitutsiyada mustahkamlanayotganini alohida e’tirof etdi.
O‘zbek milliy akademik drama teatri aktrisasi Shahnoza Hojimatova unashtirildi. U fotiha to‘yi aks etgan videolarni sahifasiga joyladi.
Taniqli aktyor Javohir Zokirov singlisi Ohistani tug‘ilgan kuni bilan tabrikladi.
Yulduz Usmonova o‘zi tug‘ilib o‘sgan Marg‘ilon shahrida opa-singillari bilan istirohat bog‘iga borib, attraksionlarda uchgani aks etgan videoni kuzatuvchilariga ko‘rsatdi.
Vayner Liil Xurramov yangi qo‘shig‘iga klip suratga oldirmoqda.
Ayni paytda Umra amalini ado etayotgan xonanda Umar Shamsiyev Makka shahrida ro‘zadorlarga xurmo tarqatdi.
AQSHning O‘zbekistondagi vakolatxonasi tomonidan “Million” kulgi jamoasiga viza berish rad etilgan. Bu haqda kulgi jamoasi sardori Davron Kabulov kuzatuvchilarining savollariga javob bera turib, so‘zlab berdi.
DJ Piligrim Mercedes GLE 350E gibrid avtomobilini xarid qildi.
Turk aktyori Murat Yildirim tug‘ilgan kuni bilan tabriklagan barcha muxlislariga minnatdorchilik bildirdi.
O‘zbekiston xalq artisti Gulchehra Sa’dullayeva tug‘ilgan kunini farzandlari, nevara va chevaralari davrasida nishonladi.