Ўзбекистонлик тиббиёт ходимларининг Ҳиндистонда таржиба ошириб келиш амалиёти квотаси ҳозирги 200 тадан 1000 тагача оширилади. Бу ҳақда 13 апрель куни бўлиб ўтган Ўзбекистон—Ҳиндистон соғлиқни сақлаш халқаро форумида ССВ раҳбари Амрилло Иноятов айтиб ўтди, деб хабар бермоқда “Дарё” мухбири.
Вазирнинг маълум қилишича, Ҳиндистон Ўзбекистон учун ишончли ҳамкор, стратегик шерик.
“Ҳар йили 200 дан ортиқ мутахассисларимиз Ҳиндистоннинг етакчи клиникаларида малака ошириб қайтаётгани ижобий натижа. Бу амалиётни энди янада кенгайтирамиз. Яъни шу йил якунига қадар 1000 нафардан ортиқ тиббиёт ходимларимиз ҳинд ҳамкасбларидан тажриба ўрганиб қайтади”, — деди Амрилло Иноятов.
Тадбир қатнашчиси, Ҳиндистоннинг Патил институти масъул раҳбари Соҳан Читланж форумдан кутилаётган мақсад ва вазифалар ҳақида маълумот берди.
“Аввало, институтимизни кенг жамоатчиликка таништириш, Ўзбекистондаги олий ўқув юртлар билан ҳамкорлик ўрнатиш, талабалар алмашинуви ва профессор-ўқитувчилар малакасини ошириш амалиётини йўлга қўйишни режалаштирганмиз. Бундан ташқари, мамлакатдаги фармацевтика корхоналари билан ҳамкорлик қилиш ва уларга фармация соҳасида илмий тадқиқотлар томонлама ёрдам бериш ниятидамиз”, — дейди Соҳан Читланж.
.jpg)
Шунингдек, анжуман доирасида умумий қиймати 300 миллион долларга тенг юздан ортиқ меморандум ва шартномалар имзоланди.
Изоҳ (0)