O‘zbekistonlik tibbiyot xodimlarining Hindistonda tarjiba oshirib kelish amaliyoti kvotasi hozirgi 200 tadan 1000 tagacha oshiriladi. Bu haqda 13-aprel kuni bo‘lib o‘tgan O‘zbekiston—Hindiston sog‘liqni saqlash xalqaro forumida SSV rahbari Amrillo Inoyatov aytib o‘tdi, deb xabar bermoqda “Daryo” muxbiri.
Vazirning ma’lum qilishicha, Hindiston O‘zbekiston uchun ishonchli hamkor, strategik sherik.
“Har yili 200 dan ortiq mutaxassislarimiz Hindistonning yetakchi klinikalarida malaka oshirib qaytayotgani ijobiy natija. Bu amaliyotni endi yanada kengaytiramiz. Ya’ni shu yil yakuniga qadar 1000 nafardan ortiq tibbiyot xodimlarimiz hind hamkasblaridan tajriba o‘rganib qaytadi”, — dedi Amrillo Inoyatov.
Tadbir qatnashchisi, Hindistonning Patil instituti mas’ul rahbari Sohan Chitlanj forumdan kutilayotgan maqsad va vazifalar haqida ma’lumot berdi.
“Avvalo, institutimizni keng jamoatchilikka tanishtirish, O‘zbekistondagi oliy o‘quv yurtlar bilan hamkorlik o‘rnatish, talabalar almashinuvi va professor-o‘qituvchilar malakasini oshirish amaliyotini yo‘lga qo‘yishni rejalashtirganmiz. Bundan tashqari, mamlakatdagi farmatsevtika korxonalari bilan hamkorlik qilish va ularga farmatsiya sohasida ilmiy tadqiqotlar tomonlama yordam berish niyatidamiz”, — deydi Sohan Chitlanj.
.jpg)
Shuningdek, anjuman doirasida umumiy qiymati 300 million dollarga teng yuzdan ortiq memorandum va shartnomalar imzolandi.
Izoh (0)