Ўзбекистон халқ артисти, актёр Муҳаммадсоли Юсупов “Севимли” телеканалининг “Альбом” кўрсатувига берган интервьюсида уч йил аввал 37 ёшли ўғли вафот этгани ҳақида гапириб берди.
“Ўғлимни дўстлари ҳам, театрдагилар ҳам эсидан чиқаргани йўқ”
— Ақл бовар қилмас даражадаги ҳодиса. Уйдан ўйнаб-кулиб, ҳазиллашиб чиқиб кетган инсонни бир соатдан сўнг оламдан ўтди, дейишса, буни ҳазм қилиб бўлмайди. Ҳеч ишонмадим, бориб кўрдим, шифокорлар текширгандан кейин бўлмади, инфаркт олган экан. Дўстлари билан футбол ўйнаган, кейин йўлда қайтишда юрагининг мазаси бўлмай қолган. Шунақа бўлди, лекин ўғлимни дўстлари ҳам, театрдагилар ҳам эсидан чиқаргани йўқ.
Икки йилдан ошяпти, мен ҳалигача кўника олмайман. Инсон бу нарсага кўника олмаса ҳам керак. Ота-онанинг дунёдан ўтиши қонуниятдек гап, бироқ ота-она тирик бўлиб туриб фарзанднинг бу дунёдан ўтиши нотўғри. Шунинг учун ҳеч кимга фарзанд доғини кўрсатмасин. Дунё бор экан, ҳаёт қонуниятлари ўзининг йўлида кетиши керак. Бунақа ўзгаришлар бўлмаслиги керак, ҳамма ўз йўлидан кетгани тўғри бўлади. Аллоҳга керак экан, фарзандимдан ажралдим.
Изоҳ (0)