Xonanda Shakira o‘g‘illarini ta’qib qilayotgan jurnalistlardan shikoyat qildi

Kolumbiyalik xonanda Shakira futbolchi Jerar Pike bilan ajrashgach, jurnalistlar uning farzandlarini ta’qib qilayotgani haqida so‘zlab berdi.

Xonanda o‘zining Instagram sahifasida matbuot vakillarini 11 yoshli o‘g‘li Milan va 8 yoshli Sashani ta’qib qilishni to‘xtatishga chaqirdi.

“Mashhur inson sifatida hayotim o‘zgarib borayotgan bir paytda, matbuot vakillarining menga va oilamga doimiy qiziqishini tushunish mumkin. Biroq farzandlarim Milan va Sasha Barselonadagi paparatsilar va turli ommaviy axborot vositalari vakillarining tinimsiz ta’qiblaridan azob chekib, juda og‘ir yilni boshdan kechirdi. Farzandlarim hayotidagi yangi bosqichga qadam qo‘yayotganida ularning nomidan ommaviy axborot vositalari vakillarini bolalarimning shaxsiy daxlsizlik huquqini hurmat qilishga chaqiraman”, — deydi xonanda.

Xonanda ommaviy axborot vositalari vakillaridan o‘g‘illari maktabga ketayotganda yoki maktabdan keyin dam olish tadbirlariga borganda ularni kuzatishni to‘xtatishini so‘radi.

“Jurnalist va fotograflar Milan va Sasha qanday vaziyatga tushib qolganini tushunishiga va ularga imkon qadar insoniy munosabatda bo‘lishiga ishonaman. 8 va 10 yoshli ikki bolaning salomatligi, jismoniy va hissiy yaxlitligi haqida gapirayotganimizni yodga olib aytmoqchimanki, ular shunchaki tashqariga chiqib, maktabga borishni, o‘zlarini xavfsiz his qilishni va ta’qib qilmasliklarini yoki doimiy kamera nazorati ostida bo‘lmasa o‘zini xotirjam his etishni xohlashadi. Endi bu iltimosimni san’atkor sifatida emas, balki har bir bola munosib bo‘lgan sog‘lom va baxtli hayot kechirishi uchun o‘z farzandlarining psixologik va ruhiy salomatligini asrash, ularga g‘amxo‘rlik qilishni xohlaydigan ona sifatida aytyapman”, — deydi Shakira.