Куннинг нотўғри бошланиши кайфият ва умумий ҳолатга салбий таъсир кўрсатиши, иш фаолияти самарасини пасайтириши мумкин. Marie Claire нашри эрталаб бажариш тавсия этилмайдиган ишлар ҳақида маълумот берди.
.jpg)
Уйқу инсон ҳаётининг деярли учдан бир қисмини эгаллайди, организмни дам олиш ва бу жараён интенсив равишда тикланиш учун мўлжалланган. Ўз навбатида, уйғониш жараёни ва эрталаб куннинг қолган қисми қандай ўтишини белгилайди. Шунинг учун уни тўғри бошлаш жуда муҳим ҳисобланади. Куннинг соғлом бошланишига ҳам, унумдорлигига ҳам ҳисса қўшмайдиган бир қатор одатлар мавжуд.
Будилникка кўп вақтни белгилаш
Эрталаб соғлиқ учун энг яхши сармоя — бу сигнал чалингандан сўнг дарҳол уйғонишни ўрганиш ва уни беш дақиқага кечиктирмаслик. Чунки вақтида уйғонмасангиз яна уйқуга кетишингиз мумкин.
Эрталаб туришни осонлаштириш учун уйқу гигиенаси деб аталадиган қоидаларга риоя қилиш керак: ётишдан олдин овқатланмаслик, телефонда вақт ўтказмаслик ёки кечқурун телевизор кўрмасликни одатга айлантиринг. Бундай ҳолатда аниқ уйқу режимини ўрнатиш тавсия этилади.
Уйқудан туриб, дарҳол телефонга қарамаслик керак
Бу жуда кўп салбий оқибатларга олиб келадиган энг кенг тарқалган ёмон одатлардан биридир. Биринчидан, жуда кўп вақтни олади: ижтимоий тармоқларни текшириш ва хабарларни ўқиш, янгиликлар — дақиқалар соатларга айланиши мумкин. Иккинчидан, уйғонгандан сўнг дарҳол экран билан алоқа қилиш асаб тизимининг ҳолатига ёмон таъсир қилади. Таъкидланишича, бу ҳолатда ёмон кайфият, хавотир ва фаолликнинг сусайиш хавфи ортади.
Уйғонгандан сўнг дарҳол ётоқдан сакраб тушмаслик
Кўз очилиши билан организм ҳали тўлиқ уйғонишга улгурмайди. У мунтазамликка муҳтож, уйғониш ҳолатига ўтиш учун вақт керак. Организм учун тўғри ҳолатни танлаш ва асабийлашишнинг олдини олиш учун ётоқда ётиш, нафас олиш ёки енгил машқларни бажариш мумкин.
Оч қоринга қаҳва ичиш ва нонушта қилмаслик
Нима учун нонуштани ўтказиб юбормаслик керак? Гормонлар ишлаб чиқарилиши туфайли одам узоқ вақт тўқликни ҳис қилади, иштаҳаси пасаяди, бу эса ўз навбатида вазн камайишига олиб келади. Ортиқча вазн хавф омилларидан бири бўлиб, уйқу апнеси синдромининг ривожланишига сабаб бўлади — бу касалликда уйқу пайтида нафас олиш тўхтаб қолади ва қонда кислород даражаси пасаяди. Бундан ташқари, миёкард инфаркти ва инсултнинг ривожланиш хавфи ошади.
Ўз навбатида, оч қоринга қаҳва ичиш ошқозон шиллиқ қаватини безовта қилиши мумкин, шунинг учун қаҳвани бир стакан сув билан алмаштирган маъқул. Нонуштадан кейингина бир чашка хушбўй қаҳва ичиш тавсия этилади.
Қон босими юқори бўлган инсонлар бу борада кўпроқ ҳушёр бўлиши керак. Шунингдек, эрталаб қон босимини назорат қилиш ва дори-дармонларни қабул қилишни ўтказиб юбормаслик керак, чунки статистик маълумотларга кўра, инсулт ва инфарктнинг аксарияти тонгда юз беради. Шунинг учун ҳам кунни сигарет чекиш каби ёмон одат билан бошламаслик керак. Қолаверса, чекишнинг ўзи соғлиқ учун жуда зарарли.
Изоҳ (0)