Ёстиқдаги чойшабни олиб ташлаётганингизда унинг сарғайиб қолганини кўришингиз мумкин. Хавотир олманг, бу оддий ҳолат. Вақт ўтиши билан ёстиқлар сарғаяди, чунки у теридаги ёғни, кирларни сўриб олади. Бироқ ювганингиздан кейин ҳам бу ҳолат ўзгармаслиги мумкин. “Новий очаг” нашри эски, сарғайган ёстиқларни тўғри ювиш бўйича маслаҳатларни тақдим этди.
Ёстиқни тозалаш учун керак бўладиган нарсалар:
- 1 стакан кир ювиш кукуни
- 1 стакан ёғни тозалашга ёрдам берувчи кукун
- 1 стакан оқартирувчи кукун
- 1 флакон борат кислотаси (борной кислота)
Ишни бошлашдан олдин маҳсулотдаги ёрлиқни текширинг. Ёстиғингиз қай даражада кир бўлганига эътибор беринг. Кўпчилик кир ювиш машинасида парли ва синтетик ёстиқларни ювишдан қўрқмайди.
Ёстиқни иссиқ сувга ботиринг
Тозалаш воситалари кирларни яхшироқ кетказиши учун ёстиқларни иссиқ сувга ботириб олиш керак. Вертикал тарзда кир солинадиган кир ювиш машиналарининг эгалари ёстиқни тўғридан тўғри кир ювиш машинасига солиши мумкин. Агар бундай шароит бўлмаса, ёстиқларни ваннада ёки болаларни ювинтириш тоғорасида намлаш мумкин.
Энг катта кастрюлкани олинг ва унга сув солинг. Кир ювиш кукуни, идишларни ювиш воситаси ва борат кислотасини қайноқ сувда тўлиқ эримагунча аралаштиринг. Агар кастрюлкада кукунларни аралаштиришни хоҳламасангиз, сирланган челакка қайноқ сув қуйиб, аралаштиринг.
Кукун ва идиш ювиш воситаси эриганида, сувни идишга қуйиб, ёстиқни унга ботириб, тахминан 30 дақиқага қолдиринг. 15 дақиқадан сўнг, ёстиқни сувдан олиб сиқиш керак, шунда маҳсулот бутун юзага тенг тақсимланади.
Ёстиқни кир ювиш машинасида ювинг
Ҳўллашдан сўнг, кир ювиш машинасида тўлиқ ювиш циклини амалга оширинг. Агар қўшимча ювиш дастури мавжуд бўлса, ундан ҳам фойдаланинг.
Ёстиқни қуритинг
Агар ёстиқ юмшоқ бўлса, кир ювиш машинасидаги қуритгичдан фойдаланса бўлади. Синтетик ёстиқларни энг паст ҳароратда ҳам қуритиш мумкин. Барабан ичида мувозанат сақланиши учун қуритгичга бир нечта теннис тўплари ёки жунли тўпларни солинг ва улар қуриганида ёстиқларингизни тозаланг.
Қуритгичи бўлмаган ҳар бир киши ювилган ёстиқни кийимни қуритиш учун мўлжалланган панжара устига қўйиш керак. Ёстиқ қуриганида вақти-вақти билан қўлларингиз билан уриб, патлар ёки тўлдирувчи восита бўлакларини тўғрилаб туриш мумкин.
“Хотира” эффектига эга ёстиқларни қандай ювиш мумкин?
“Хотира” эффектига эга ёстиқларни ювиш мумкин, бироқ ҳар қандай ҳолатда ҳам ёстиқдаги ёрлиқни текширган маъқул. Бундай ёстиқлар парли ва синтетик ёстиқларга қараганда кўпроқ қуритилади ва агар сиз уларни қуритгичда қурицангиз, ҳароратни энг паст даражага ўрнатиш тавсия этилади. Ёстиқларни балконда ҳам қуритиш мумкин, айниқса, ташқарида шамолли об-ҳавода қуритган маъқул.
Парли ёстиқ ювилса ёмонлашадими?
Парли ёстиқни ҳам шу кўрсатмаларга амал қилиб ювса бўлади, бироқ қуритишда қийинчилик бўлиши мумкин. Вақти-вақти билан пар ёстиқларни силкиб туриш керак, акс ҳолда патлар ёстиқдаги ёқимсиз ҳидни пайдо қилиши мумкин. Алоҳида қуритгичлар ва қуритиш функцияси бўлган кир ювиш машиналари эгалари учун ёстиқларни ювиш қийин бўлмайди.
Изоҳ (0)