Ёғли сочлар — бу ҳал қилиш унчалик осон бўлмаган муаммо. Сиз жингалак сочларингиз жилокор ва тоза кўриниши учун тез-тез ювиб турасиз, бироқ ортиқча ювиш, аксинча соч толаларида кўпроқ ёғнинг чиқишига олиб келиши мумкин.
Сочингизни сулфатсиз шампун билан ювинг
Аксарият шампунларда сулфат кислота тузлари мавжуд бўлиб, улар бош терисини ҳаддан ташқари тозалайди ва қуритади. Сулфатли шампунни дастлабки бир неча марта қўллаганингиздан сўнг, сочларингиз чиройли бўлиб кўриниши мумкин, бироқ вақт ўтиши билан бош териси қуруқликни қоплаш учун ортиқча ёғ ҳосил қила бошлайди.
Ёғни минимал даражада ушлаб туриш учун бош териси ва сочларингизни ёғдан кеткизмасдан, соч толаларини тозалайдиган юмшоқ, сулфатсиз шампунларни танланг. Шунда сизнинг жингалак сочларингиз кучли ва соғлом бўлади.
Сочингизни олма циркаси билан ювинг
Шампунни қўллаганингиздан кейин тўртинчи кун сочингизни олма циркаси ва илиқ (иссиқ эмас) сув билан ювинг. Бу сочингизнинг pH мувозанатини тиклаш ва бош терисини кирлардан тозалаш учун етарли даражада кислотали, бироқ соч толаларини муҳим озиқ моддалардан маҳрум қилмаслик учун етарлича юмшоқ қилувчи усул ҳисобланади. Бундан ташқари, олма циркаси бўялган сочлар учун жуда яхши.
Кислоталикни мувозанатлаш учун икки-уч ош қошиқ олма циркасини бир шиша сув билан аралаштириш кифоя. Душ қабул қилаётганда, сочларингизга олма циркаси эритмасини суртинг, соч илдизларигача ўтказинг ва ювинг. Ушбу муолажадан сўнг сочларингиз ажойиб даражада юмшоқ ва порлоқ бўлади.
Сочингизни фен билан қуритманг
Сочни фен билан қуритиш унда ортиқча ёғ қолдириши ҳам мумкин, шунинг учун уни очиқ ҳавода қуритган маъқул. Сочни очиқ ҳавода қуритиш узоқ вақт талаб қилиши мумкин, бироқ жараённи тезлаштиришнинг оддий усуллари мавжуд. Масалан, сочни ювгандан сўнг, учларига мой эмас, кондиционерни қўлланг, чунки у сочларга янги кўриниш беради ва қуритиш вақтини қисқартиради.
Тароқларни мунтазам тозаланг
Тоза бўлмаган тароқ ёки сочни дазмоллашда ишлатиладиган воситалар, жумладан, текисловчи, жингалак қилувчи ёки бошқа турмакларни қилишда фойдаланиладиган техникалар сочларга ёғ ва кирни ёйиши мумкин. Ёғ, кир ва чанг тўпланишидан халос бўлиш учун камида ойига бир марта тароғингизни ювинг.
Шампунингизнинг pH қийматига эътибор беринг
Шампунингизнинг pH қиймати 5,5 дан ошмаслигига эътибор беринг. Бу каби шампунлардан фойдалангандан сўнг сочлар жуда қуруқ бўлмайди ва тери йўқолган ёғни тўлдириш учун ортиқча ёғ ишлаб чиқармайди.
Сочингизни ювганингизда қуруқ шампундан фойдаланинг
Агар ҳар куни сочингизни ювишни истасангиз, сочларингиз жуда ёғли бўлса, бу истак билан курашинг ва уларни камроқ ювишга ҳаракат қилинг. Бу ғайриоддий туюлиши мумкин, бироқ сочингизни қанчалик кам ювсангиз, шунчалик яхши кўринади. Агар шампунлар орасидаги интервални узайтириш керак бўлса, сочларингиз янада тоза кўриниши учун соч илдизларга озгина қуруқ шампун суртинг.
Изоҳ (0)