“Ўзбекистонда доимий аҳоли сони ҳар куни ўртача қарийб 2 минг кишига ошмоқда” — Статистика агентлиги

Ўзбекистоннинг доимий аҳолиси 2023 йилнинг 1 апрель ҳолатига кўра 36 197 781 кишини ташкил этмоқда. Бу ҳақда Статистика агентлиги хабар берди. 

Қайд этилишича, мамлакатнинг доимий аҳолиси сони ўтган йилнинг мос даври билан солиштирилганда 2,2 фоизга ошган. Аҳоли 2023 йил бошидан буён 172,8 минг кишига кўпайган.

Шу билан бирга, Ўзбекистон аҳолиси 2023 йилнинг ҳар бир ойида ўртача 57,6 минг кишига ошган. “2023 йилнинг ҳар бир кунида доимий аҳоли сони ўртача 1,9 минг кишига кўпаймоқда”, — дейилади хабарда.

Маълумот учун, 2023 йилнинг 1 январь ҳолатига доимий аҳоли таркибидаги эркаклар сони аёллар сонидан 232 210 нафарга кўп бўлган. Мазкур даврда аҳоли сони 36 миллион 024 минг 946 кишини ташкил этган.