O‘zbekistonning doimiy aholisi 2023-yilning 1-aprel holatiga ko‘ra 36 197 781 kishini tashkil etmoqda. Bu haqda Statistika agentligi xabar berdi. 

Qayd etilishicha, mamlakatning doimiy aholisi soni o‘tgan yilning mos davri bilan solishtirilganda 2,2 foizga oshgan. Aholi 2023-yil boshidan buyon 172,8 ming kishiga ko‘paygan.

Shu bilan birga, O‘zbekiston aholisi 2023-yilning har bir oyida o‘rtacha 57,6 ming kishiga oshgan. “2023-yilning har bir kunida doimiy aholi soni o‘rtacha 1,9 ming kishiga ko‘paymoqda”, — deyiladi xabarda.

Maʼlumot uchun, 2023-yilning 1-yanvar holatiga doimiy aholi tarkibidagi erkaklar soni ayollar sonidan 232 210 nafarga ko‘p bo‘lgan. Mazkur davrda aholi soni 36 million 024 ming 946 kishini tashkil etgan.