Тошкент шаҳри Миробод туманида 6 апрель куни Gentra’да пневматик қурол олиб юрган ҳайдовчи ушланди. Бу ҳақда пойтахт Ички ишлар бош бошқармаси ахборот хизмати хабар берди.
Маълум бўлишича, шу куни ППХ ходимлари томонидан КХАЙ кўчасида тўхтаб турган Gentra текширувдан ўтказилган. Холислар иштирокида текшириш чоғида автомобиль салонидан пневматик қурол ва гиёҳвандлик моддаси топилган. Мазкур ҳолат юзасидан тегишли ҳужжатлар расмийлаштирилиб, фуқаро туман ИИО ФМБга топширилган.
Бундан ташқари, 10 апрель куни Миробод тумани Авлиё ота кўчасида ўтказилган тадбир давомида тезкор ходимлар йўл четида тўхтаб турган Malibu ҳамда унинг ҳайдовчисини холислар иштирокида кўздан кечиришганда ҳайдовчидан ўткир ҳидли, оқ рангли кукунсимон модда аниқланган. Мазкур ҳолат юзасидан тегишли ҳужжатлар расмийлаштирилган ва туман 3-сонли ИИБга топширилган.
Яна бир ҳолатда, Саид Барака кўчасида ўз хизмат вазифасини олиб бораётган ППХ ходимлари ўзини шубҳали тутиб, бесаранжом ҳаракатлари ва тез-тез атрофга қараётган эркакни пайқаб қолишган. Д.Т. исмли фуқаро холислар иштирокида текширилганда унинг ёнидан ўткир ҳидли, жигарранг модда топилган. Мазкур ҳолат юзасидан расмийлаштирилган тегишли ҳужжатлар туман 2-сонли ИИБга топширилган.
Изоҳ (0)