Ўзбекистонда 2023 йилнинг январь—мартигача бўш омборлар улуши 207 минг квадрат метр майдоннинг атиги 4,5 фоизини ташкил этади. Бу ҳақда NF Group кўчмас мулк агентлиги тадқиқотига таяниб, “Коммерсанть” хабар берди.
Маълумотларга кўра, B тоифали омборларни (таъмирланган ёки янги қурилган бинолар) ижарага олишнинг йиллик ўртача қиймати квадрат метри учун 64 долларни ташкил этди.
МДҲ мамлакатларидаги омборларга асосий талаб йирик чакана сотувчилар, шу жумладан, электрон тижорат ва логистика операторлари томонидан шакллантирилади. Тахминан, 80 фоиз сўровлар Wildberries ва Ozon’дан келади.
Компаниялар доимий равишда буюртмаларни етказиб бериш тезлигини ошириш учун янги омбор майдонларини қидирмоқда. Шунинг учун Беларусь, Қозоғистон, Ўзбекистон ва бошқа мамлакатларда бундай иншоотларга эҳтиёж бор.
NF Group ҳамкори Константин Фомиченко таъкидлаганидек, Марказий Осиё давлатлари, шунингдек, Арманистон ва Грузияда бўш омборлар йўқлиги Россияга параллел импортни секинлаштирган.
CORE.XP омбори ва саноат кўчмас мулк департаментининг катта директори Антон Алябевнинг сўзларига кўра, Россия компаниялари ушбу бозорларда мослаштирилган лойиҳаларни фаол равишда амалга оширишни бошлашлари мумкин.
Афсуски, МДҲ мамлакатларида омборларни қуриш учун қулай жойлар ҳам, профессионал ишлаб чиқувчилар ҳам йўқ, — деб огоҳлантиради у.
Изоҳ (0)