Зайтун ёғининг шифобахш хусусиятларини баҳолаш қийин. Бежиз қадимги юнонлар зайтунни ҳаёт, саломатлик ва унумдорлик дарахти деб аташмаган. Зайтун ёғи инсон ва унинг саломатлиги учун қанчалик фойдали?
Зайтун ёғи ҳақида қисқача маълумот
Зайтун ёғининг шифобахш хусусиятлари шунчалик кўпки, у соғлиқ учун энг фойдали маҳсулотлар қаторига киради. Гарчи статистик маълумотларда бу ёғ дунёда истеъмол қилинадиган ўсимлик ёғининг атиги 3 фоизини ташкил қилиши акс этган бўлса-да. Пресслаш орқали олинган соф зайтун ёғи инсон организми томонидан 100 фоиз сўриладиган ноёб маҳсулотлардан биридир.
Зайтун ёғининг шифобахш хусусиятлари ҳақида сўз юритишдан олдин ушбу маҳсулот ташқи кўринишимизга ҳам фойдали таъсир кўрсатишини қайд этиш керак. Бу ҳар қандай аёл учун муҳим фактдир. Зайтун ёғи тери ва соч тузилишини яхшилайди (бунинг учун у нафақат истеъмол қилинади, балки озиқлантирувчи ниқоблар таркибий қисми сифатида ҳам ишлатилади). Ҳатто вазн йўқотиш ва метаболизмни нормаллаштириш жараёнида ҳам зайтун ёғи, аслида, ёғдан бошқа нарса эмаслигига қарамай, муҳим рол ўйнайди. Нима учун диетологлар уни барча парҳез турларига киритишни талаб қиладилар? Бунинг сири шундаки, зайтун ёғида мавжуд бўлган олейк кислотаси танамизда мияга тўйиш сигналини берувчи махсус модданинг ишлаб чиқарилишини оширади. Шу тариқа зайтун ёғи очлик туйғусини муваффақиятли ва доимий равишда бостиради. Бу ошхонангизда бир шиша хушбўй шифобахш зайтун ёғи бўлиши учун яхши сабаб эмасми?
Зайтун ёғининг шифобахш хусусиятлари
Энди зайтун ёғининг инсон саломатлиги учун фойдалари ҳақида. Биринчидан, бу маҳсулот холестерин даражасини пасайтириш бўйича чемпиондир. У атеросклероз, юрак-қон томир касалликлари, диабет, Альцгеймер ва бошқа касалликларнинг олдини олади. Зайтун ёғининг яна бир шифобахш хусусияти: у яллиғланишга қарши таъсирга эга. Яъни зайтун ёғи организмдаги ҳар қандай яллиғланишни бартараф этади — ангинадан тортиб милк касалликларигача, тромбофлебит, ошқозон яраси ва бошқа инфекциялардан ҳимоя қилади. Шу боис шифокорлар ошқозон яраси учун буюрадиган биринчи даволовчи парҳез жадвалида зайтун ёғи асосий рол ўйнайди.
Зайтун ёғи таркибида айниқса қимматли олейк ва линолеик кислоталар, шунингдек, А, D, E, К витаминлари мавжуд. Асосан, айнан шу тўплам зайтун ёғининг шифобахш хусусиятларини таъминлайди. Улар орасида:
- Овқат ҳазм қилиш жараёнини нормаллаштириш;
- Ошқозон-ичак тракти кўпгина касалликларининг олдини олиш ва даволаш;
- Иммунитет функцияларини ошириш;
- Тўқималар, органларнинг қариш жараёнини секинлаштириш (зайтун ёғида мавжуд бўлган кўп миқдордаги антиоксидантлар туфайли);
- Ақлий фаолиятни яхшилаш, хотирани мустаҳкамлаш, асаб касалликларининг самарали олдини олиш;
- Жароҳат ва яраларни тезда даволашда фаол иштирок этиш;
- Ошқозон шиллиқ қаватини яралар пайдо бўлишидан ҳимоя қилиш;
- Суяк тўқимасини мустаҳкамлаш;
- Саратон касаллигининг олдини олиш;
Зайтун ёғи ҳомиладор аёллар учун ҳам фойдали. Тўйинмаган ёғ кислоталарининг юқори миқдори боланинг миясини, шунингдек, унинг асаб тизимини шакллантиришда иштирок этади.
Қайси зайтун ёғи энг яхши шифобахш хусусиятларга эга?
Зайтун ёғининг доривор хусусиятларини тўлиқ ҳис қилиш учун қайси маҳсулот энг фойдали эканлигини билишингиз керак. Совуқ пресслаш йўли билан тайёрланган мойни танланг. Ёрлиқдаги ёзув шундай бўлсин: Extra virgin зайтун ёғи. Демак, ёғни олиш учун фақат механик воситалардан фойдаланилган, унга ҳеч қандай иссиқлик ва кимёвий ишлов берилмаган. Айнан шу турдаги зайтун ёғи — қайта ишланмаган, совуқ прессланган — энг юқори шифобахш хусусиятга эга ҳисобланади.
Мавзуга доир:
Изоҳ (0)