Писта донлари мазали ва улардан тийилиш қийин. Кўплар телевизор ёнида ёки дўстлари билан скамейкада ўтирганда уларни чақишни яхши кўради. Писта ҳамма учун фойдалими? Уларни истеъмол қилиш тақиқланганлар борми? Бу саволларга тренер-диетолог Александра Морозова жавоб берди, деб ёзмоқда Wday.ru нашри.
“Ошқозон-ичак трактининг сурункали касалликларига чалинганлар, шунингдек, тиш саломатлигидан қайғурадиганлар учун тозаланмаган уруғларни истеъмол қилишни чеклаш лозим. Уруғларни мунтазам истеъмол қилиш озишни қийинлаштиради, чунки уларда калория жуда юқори. Ва, албатта, уларга аллергияси бўлганлар семечкани истеъмолдан чиқариб ташлаши керак”, дея тушунтиради мутахассис.
Писта истеъмол қилишнинг фойдаси борми?
Шубҳасиз, ҳа. Чунки улар ҳужайра метаболизмига ижобий таъсир кўрсатадиган антиоксидантларни ўз ичига олган. Уруғлар таркибида B, А, E ва D витаминлари, шунингдек, калий, цинк, селен, фосфор, темир ва мис каби организм учун зарур бўлган микроэлементлар мавжуд.
Кунгабоқар уруғлари ичак моторикасини яхшилайдиган клетчаткага бой. Бироқ меъёрга риоя қилиш ва тузсиз хом уруғлар ни истеъмол қилиш лозим.
Кимлар пистадан бутунлай воз кечиши керак?
Ортиқча вазн билан курашаётганлар
Кунгабоқар уруғлари юқори калорияли маҳсулотдир. 100 грамм хом уруғ тахминан 600 ккал, қовурилгани эса 700 ккалга эга. Уларни сарфлаш учун бир соат сузиш ёки камида 10 км юришингиз керак бўлади. Дарвоқе, уруғлар иштаҳани очади, шунинг учун улардан кейин ҳақиқатан ҳам овқатланишни хоҳлаб қоласиз.
Эрта қаришни истамаганлар
Фойдали моддалар қовурилмаган уруғларда мавжуд, аммо кўпчилик қовурилганини истеъмол қилишни афзал кўради. Қовуриш жараёнида уларда гликация маҳсулотлари ҳосил бўлиб, ҳужайраларнинг эрта қаришини қўзғатади. Қовурилганда уруғларга туз ва лаззат кучайтиргичлар қўшилади, улар терининг сувсизланишига ва эрта ажин тушишига олиб келади, шунингдек, ҳужайра мутацияларига ҳисса қўшади.
Тиш саломатлигидан хавотир оладиганлар
Борди-ю, мунтазам равишда семечка чақсангиз, тиш орасида бўшлиқлар пайдо бўлади. Ҳаддан ташқари кўп истеъмол қилганда тиш эмалида ёриқлар пайдо бўлади, уларнинг ичига кариесни келтириб чиқарадиган бактериялар киради. Доимий механик таъсир нафақат эмалнинг шикастланишига, балки тишнинг тўлиқ ишдан чиқишига олиб келади.
Ошқозон-ичак трактига чалинганлар
Писта донларида клетчатка мавжуд, шу сабабли улар шиллиқ қаватда тирнаш хусусияти келтирмаслиги учун ошқозон-ичак касалликлари кучайишида истеъмол қилинмаган маъқул. Бундан ташқари, ўт йўллари ва жигар касалликлари билан оғриган беморлар уларни рациондан чиқариб ташлаши лозим. Чунки унинг таркибида жуда кўп ёғ мавжуд. Гастрит ва ошқозон яраси бўлган беморлар учун ҳам қарши кўрсатма бор.
Аллергияга мойил бўлганлар
Кунгабоқар уруғлари кучли аллергендир. Аллергияга чалинганлар учун, айниқса, таъмни яхшилаш учун қовуриш пайтида уларга қўшиладиган моддалар хавфлидир.
Хом тозаланган уруғларни оз миқдорда истеъмол қилиш организмни витамин ва минераллар билан таъминлайди. Аммо ҳамма нарса ҳам меъёрида яхши. Севимли маҳсулотингиздан бутунлай воз кечиш эмас, уни тўғри истеъмол қилиш керак.
Мавзуга доир:
Изоҳ (0)