Tesla бир йил ичида дунёдаги энг қиммат автомобиль брендлари рўйхатида икки поғонага кўтарилиб, биринчи марта Mercedes-Benz ва Toyota'дан ўзиб кетди. Бу ҳақда Brand Finance хабар берди.
Tesla бренди ҳозирда 66,2 миллиард долларга баҳоланмоқда. Бу ўтган йилнинг шу даврига нисбатан 44 фоизга ва пандемиядан олдинги даврдан беш баравар кўп.
Бренд баҳосининг бу ўсиши Tesla учун ижобий сигналдир, чунки бу брендни яхшироқ танилишидан далолат беради. Бу эса келгусида юқори савдо ва даромадга сабаб бўлиши мумкин, — деди Brand Finance компаниясининг баҳолаш бўйича директори Алекс Хей.
Toyota учинчи ўринга тушиб, ўз қийматининг 18 фоизини (52,5 миллиард доллар) йўқотди, Mercedes-Benz иккинчи ўринда қолди (минус 3 фоиз, 58,8 миллиард доллар).
Хитойнинг Sokon автомобиль бренди ушбу секторда рекорд даражадаги ўсиш кўрсатди — бир йилда 123 фоизга ўсди ва 739 миллион долларни ташкил этди.
Brand Financе таҳлилчилари томонидан Ferrari НВ “ААА+” рейтинги билан энг кучли автомобиль бренди деб топилди.
Бренд кучини баҳолашда компания қийматдан ташқари кўплаб кўрсаткичларни, жумладан маркетинг инвестициялари, операцион натижалар ва манфаатдор томонлар ўртасидаги муносабатларни ҳисобга олади.
Ferrari брендининг қиймати бир йил ичида 8 фоизга тушиб кетди. Бу асосан евронинг долларга нисбатан қадрсизланиши ҳисобига 7,4 миллиард долларга етди. Еврода эса бу кўрсаткич 3 фоизга ошди.
Автомобиль эҳтиёт қисмлари ишлаб чиқарувчилари орасида япониялик Denсо яна энг қиммат брендга айланди. Унинг қиймати йил давомида 6 фоизга ошиб, 4,5 миллиард долларга етди.
Шина ишлаб чиқарувчилар сегментида француз бренди Michelin етакчилигича қолди (+2 фоиз, 7,9 млрд долларгача).
Аввалроқ глобал автомобиль бозоридаги тушаётган талаб ҳамда нарх, ортаётган таклиф ва Ўзбекистондаги ҳолат ҳақида маълумот берилган эди.
Изоҳ (0)