Apple ҳам ходимларини қисқартиради

Apple Американинг бошқа технологик гигантлари каби ўз ходимларини қисқартиради. Бу ҳақда AppleInsider хабар бермоқда. 

Қисқартиришлар корпоратив чакана савдо бўлими ходимларига таъсир қилади. Улар иш фаолиятини оптималлаштириш мақсадида компания томонидан режалаштирилган қайта қуриш туфайли юзага келади.

Силикон водийси пандемия даврида ҳаддан ташқари кўп ишга ёлланганлиги сабабли Facebook, Amazon, Google, Microsoft ва бошқа компанияларда катта кўламли ишдан бўшатишлар содир бўлди. 

Apple шу кунгача оммавий ишдан бўшатишнинг олдини олишга муваффақ бўлганди, бироқ энди компания ортиқча ёки керакcиз лавозимларни йўқ қилмоқчи. 

Bloomberg маълумотларига кўра, Apple корпоратив чакана савдо жамоалари навбатдаги қайта тузилишга дуч келишмоқда.

Компания ишдан бўшатиладиган ходимларнинг аниқ сонини маълум қилмаган. Ушбу янгилик аноним манбалар томонидан тасдиқланди, Apple компаниясининг ўзи эса ҳали расман ҳеч нарса эълон қилмаган. 

Манбаларга кўра, Apple ўз лавозимидан бўшатилган барча ходимларни қўллаб-қувватлаш ниятида.

Шунингдек, нашрга кўра, баъзи бошқарувчи роллар бекор қилиниши мумкин. Apple’дан ишдан бўшатилган ҳар қандай менежер ходим сифатида қайта ишга олиниши мумкин, аммо пастроқ маош билан.