Фарғона вилоятининг Ўзбекистон туманида инсон ўлими билан боғлиқ йўл-транспорт ҳодисаси содир бўлди. Бу ҳақда “Дарё”га вилоят ИИБ ЖХХ ЙҲХБ ахборот хизмати маълум қилди.
Қайд этилишича, ҳодиса 2023 йил 5 апрель куни соат 21:00 ларда Ўзбекистон тумани "Туюл" МФЙ ҳудудидан ўтган 4Р-154 Қўқон—Яйпан—Исфара автомобиль йўлининг 22-километрида юз берган.
1996 йилда туғилган М.М. бошқарувидаги Matiz автомобили қарама-қарши йўналишга ўтиб кетиб, 1974 йилда туғилган Х.Д. бошқарувидаги МАN русумли юк автомобилига урилган. Натижада Matiz автомашинасида ёнғин содир бўлиб, ҳайдовчиси М.М. оғир тан жароҳати олиб, воқеа жойида вафот этган.