Италияда инглиз тили ва бошқа хорижий сўзлардан фойдаланганлик учун 5000 евродан 100 минг еврогача жаримага тортиш бўйича қонун лойиҳаси ишлаб чиқилди. Бу ҳақда Euronews хабар берди.
Бош вазир Гиорги Мелони партияси аъзоларига кўра, мазкур қонундан мақсад италян тилини тарғиб қилиш, тилни ҳамда миллий ўзликни ҳимоя қилишдан иборат. Қонунни Италия парламенти қуйи палатаси депутати Фабио Рампелли илгари сурган. У агар қонун қабул қилинса, италиялик сиёсатчилар ва бюрократларнинг ”англомания”сига қарши ишлашини қайд этган.
“Биз қуйи палатада италян тилида гаплашамиз. Инглиз тили ўрнига ўз тилимиздан фойдаланиш учун курашни давом эттирмоқдамиз. (Мисол тариқасида) нима учун қўлни автоматик дезинфекцияловчи воситани ‘диспенсер’ деб аташимизни тушунолмаяпмиз”, — деб ёзади у.
Италия тили бошқа Европа тиллари каби сўнгги йилларда кўплаб инглиз атамаларини ўзлаштирди. Кўпинча бу италян анъаналарига тегишли бўлмаган "янги” нарсаларни билдирувчи атамалар (компьютер, ижтимоий тармоқлар, масофавий иш) ҳисобланади. Инглиз тили қисман атамаларнинг қисқароқ ва ихчам версиясини таклиф қилади, италян тилида эса бу анча узун шаклда ифодаланиши мумкин.
Италиянинг “Треccани ”энциклопедиясида ҳозирда 9000 та инглизча сўз ва 80 0000 та италянча сўз мавжуд. 2000 йилдан бери италян тилига киритилган инглизча сўзлар сони 773 фоизга ошган.
Изоҳ (0)