Голливуд актрисаси Линда Ҳэмилтон 80–90 йилларнинг машҳур жанговар йўналишда суратга олинган “Терминатор” фильмида Сара Коннор ролини ижро этиб, катта машҳурликка эришди. The Voice нашри актрисанинг ҳозир қандай кўринишда экани ва нималар билан бандлиги ҳақида маълумот берди.
Сара Коннор фильмдаги энг жозибали аёллардан бири ва ҳақиқий суперқаҳрамон сифатида мухлисларнинг қалбидан жой олди. У киборг қотили билан қўрқмасдан курашади, ёвуз инсонларга дуч келади ва етакчилик фазилатларини намоён этади. Линда Ҳэмилтон франшизанинг бир нечта қисмларида суратга тушди ва 2019 йилда “Терминатор: Қоронғи тақдир” фильмидаги ролига қайтди. Шу билан бирга, актриса бутун актёрлик карьерасида катта аҳамиятга эга бўлган қаҳрамон билан хайрлашишга тайёр эканлигини айтган.
Ҳозирда 66 ёшда бўлган актриса фильмларда рол ўйнайди ва вақти-вақти билан кўриниш беради. Актрисанинг ташқи кўринишидан анча қариб қолгани сезилади, чунки “Терминатор” фильмининг биринчи қисми намойиш этилганига 40 йилдан кўпроқ вақт ўтди.
Актрисанинг барча мухлислари уни ушбу кинокартинадаги Сара сифатида билади ва у 80 йилларнинг бошқа кўплаб машҳур фильмларида ўйнаган. Масалан, “Қора ой кўтарилмоқда” ва “Кинг Конг яшайди” каби фантастик жанрлардаги фильмларда акрисага омад кулиб боқди.
Линда Ҳэмилтон ҳақида қизиқарли маълумотлар:
- актрисанинг Лесли исмли эгизак синглиси бор эди (у 2020 йилда вафот этган). У “Терминатор-2” фильмининг суратга олиш жараёнларида актрисанинг дублёри бўлган;
- Ҳэмилтон “Терминатор” режиссёри Жеймс Кемерон билан турмуш қуриб, ажрашган. Уларнинг Жозефина исмли қизи бор;
- у “Олтин глобус” ва “Эмми” мукофотларини қўлга киритган.
Изоҳ (0)