Украина президенти Владимир Зеленский нега Украина Қуролли кучлари учун Донецк вилоятидаги Бахмут шаҳрини сақлаб қолиш муҳимлигини айтди. Бу ҳақда у Associated Press агентлигига берган интервьюсида маълум қилди.
Зеленскийга кўра, биринчи навбатда, Донбассдаги аҳоли пунктини сиёсий маънода сақлаб қолиш керак, чунки шаҳарни қўлга киритиш Россия президенти Владимир Путин учун фойдали бўлади. У ўз “ғалабасини” Украинанинг Ғарбдаги иттифоқчилари, Россия жамоатчилиги, Хитой ва Эронга “сотишга” ҳаракат қиларди.
Натижада Ғарб ҳамкорлари Россия билан тинчлик музокараларини бошлаш вақти келди, деган тезисни фаол равишда илгари суриши мумкин, бу ҳам ҳимоячиларнинг, ҳам фуқароларнинг руҳиятига путур етказади. Биз чекина олмаймиз, чунки уруш бу пирог, ғалаба эса унинг парчалари. Кичик ғалабалар, кичик қадамлардир. Агар Россия қонни ҳис қилса, заиф эканлигимизни ҳис қилса, босим ўтказади. Жамиятимиз чарчаганини ҳис қилади. Шундан сўнг Украина аҳолиси мени улар билан муроса қилишга ундайди, — дейди Зеленский.
Бахмут учун жанглар етти ойдан кўпроқ вақтдан бери давом этмоқда. Зеленский ҳозирча мамлакат ичида ҳам, ташқарисида ҳам босимни сезмаётганини таъкидлади.
“Бундай қўллаб-қувватлаш мамлакат маънавиятини юксалтиради, чунки бизда курашадиган нарса бор”, — деди Украина раҳбари.
Америка Урушни ўрганиш институти (ISW) ҳисоботида Россия кучлари сўнгги ҳафтада Бахмут ҳудудининг яна беш фоизини эгаллаб олгани ва ҳозирда шаҳар ҳудудининг қарийб 65 фоизини назорат қилаётганини келтирди.
ISW геожойлашув кўрсатилган видеоларга таяниб, жанубдан “Вагнер” ёлланма жангчилари бўлинмалари шаҳар марказигача, бозор ва шаҳар кенгаши биноси ёнида жойлашган Маданият саройигача силжиганини ёзмоқда.
Ўз навбатида, Украина Қуролли кучларининг шарқий гуруҳи спикери Сергей Череватий Бахмутда Россия ва Украина кучлари ўртасида жанговар тўқнашувлар сони камайганини маълум қилган. Бахмут йўналишида Россиянинг асосий зарба берувчи кучи “Вагнер”нинг аскарлари бўлиб қолмоқда, аммо улар мунтазам қўшинлар билан мустаҳкамланган.
Изоҳ (0)