Ўзбекистонда 1 миллион аҳоли вирусли гепатитнинг “B” ва “C” турларига қарши скринингдан ўтказилади. Бу ҳақда Соғлиқни сақлаш вазирлиги ахборот хизмати хабар берди.
Маълум қилинишича, 2023 йил жамоат саломатлиги ва касалликлар профилактикаси ҳамда аҳолининг санитария-эпидемиологик осойишталигини таъминлаш борасидаги ишлар янги босқичга кўтарилади.
Жумладан:
- эмланиши режалаштирилган аҳолини бустер доза ва ревакцинация билан коронавирус касаллигига қарши вакцина тадбирлари давом эттирилиб, эмлаш қамрови 99,5 фоизга етказилади.
- 12 миллион бола 13 турдаги вакцина билан бошқарилувчи юқумли касалликларга қарши 98 фоиз кўрсаткичларда эмланади.
- мамлакатимизда 1 миллион аҳоли вирусли гепатитнинг “B” ва “C” турларига скрининг текширувидан ўтказилади. Мазкур текширувларда вирусли гепатит “C” касаллиги тасдиқланган 10,5 минг нафар беморларда даволаш тадбирлари амалга оширилади.
Шунингдек, соҳага оид рухсатнома, хулоса ва ҳужжатларни келиши бўйича 3 турдаги кўрсатиладиган давлат хизматларини босқичма-босқич интерактив давлат хизматлари портали орқали берилиши йўлга қўйилади.
Соҳага ахборот коммуникация технологияларини жорий этиш ва шу орқали аксарият функцияларни рақамлаштиришга ўтиш ишлари олиб борилади. Ижтимоий ҳаётнинг турли жабҳаларида зарур бўладиган 14 та санитария қоида ва меъёрлар халқаро андозаларга мослаштирилади. Назорат олиб боришда хавфни таҳлил қилиш механизмини жорий қилишнинг ягона электрон базаси яратилиб, “Электрон ҳукумат” тизимига интеграция қилинади.
Изоҳ (0)