“Дори-дармон” акциядорлик компанияси “Tutkon Neo ичиш учун эритма 250 мл” дори препаратидан огоҳ бўлишга чақирди.
Маълум бўлишича, Испаниянинг “Дори воситалари ва тиббий буюмлар агентлиги” (AEMPS) қарорига биноан, Испаниянинг Labaratorio Miquel Y Garriga Ins, S.L. корхонаси томонидан ишлаб чиқарилган “Tutukon Neo ичиш учун эритма 250 мл” (флаконларда) дори препаратининг “Зарур ишлаб чиқариш амалиёти (GMP)” талаблари бузилган ҳолда ишлаб чиқарилгани аниқланган.
Соғлиқни сақлаш вазирлиги ҳузуридаги “Дори воситалари, тиббий буюмлар ва тиббий техника экспертизаси ва стандартлаштириш давлат маркази” юқоридаги маълумотга асосан, республика ҳудудига кириб келган қуйидаги: Р-049, Р-050, Р-051, Р-078, Р-080, Р-222, Р-236, Р-081, Р-124, Р-204, Р-205, Р-206, Р-218, Р-219, Р-220, Р-221, Р-223, Р-224, Р-225 серияларини фармацевтика бозоридан муомаладан қайтариб олинаётганлигини маълум қилган.
Изоҳ (0)