Ижтимоий тармоқларда Жиззах вилояти, Бахмал тумани ҳудудида яшовчи фуқаро, тажрибали архитектор ўз жонига қасд қилганлиги тўғрисидаги хабар тарқалди. Ҳолат юзасидан Самарқанд вилояти прокуратураси баёнот берди.
Унга кўра, Бахмал туман қурилиш бўлими бошлиғи, бош архитектор Ш.Б.нинг ўз жонига қасд қилгани ҳолати юзасидан 13 март куни Жиноят кодексининг 103-моддаси 1-қисми (ўзини ўзи ўлдириш даражасига етказиш) билан жиноят иши қўзғатилган.
Мазкур жиноят иши юзасидан Самарқанд вилоят прокуратураси томонидан дастлабки тергов ҳаракатлари олиб борилмоқда.
Марҳумнинг ўлим сабабини аниқлаш мақсадида суд-тиббий экспертиза текшируви, шунингдек, ҳолат юзасидан тегишли идораларга хизмат текширувлари тайинланган.
Изоҳ (0)