Нега олмослар жуда қиммат? Нима учун экомаҳсулотлар оддий маҳсулотлардан бир неча баравар қимматроқ? Аммо бир нарса аниқ: баъзи нарсалар учун биз кўп пул тўлаймиз, гарчи улар бунга арзимаса ҳам.
Тери парвариши учун қиммат маҳсулотлар
Қимматбаҳо кремлар ҳар доим ҳам кафолатланган натижани бермайди. Албатта, улар терига фойдали таъсир кўрсатадиган ингредиэнтлар ва қўшимчаларга эга. Умуман олганда, кўплаб косметика фақат реклама ва чиройли қадоқлангани туфайли жуда қиммат.
Чексиз тарифлар
Чексиз интернет ёки чексиз дақиқали тарифлар жуда жозибали ва пул тежашнинг ажойиб усули каби кўринади. Агар мобил интернет ҳақида гапирадиган бўлсак, статистик маълумотларга кўра, Буюк Британияда ўртача одам ойига атиги 5,6 гб сарфлайди. Демак, сиз фойдаланмаётган нарсангиз учун ортиқча пул тўлайсиз.
Ўсимлик сути
Кўпчилик ўсимлик сутини биз ўрганиб қолган сигир сутига соғломроқ муқобил деб ҳисобласа ҳам, унинг нархи асоссиз даражада юқори. “Тўғри овқатланиш” бўлимидаги маҳсулотлар ҳозир трендда ва одатда жуда кўп пул талаб қилади. Гарчи уларнинг ишлаб чиқаришини қиммат деб бўлмайди. Мисол учун, жўхори сути сув ва жўхори унига асосланган бўлиб, арзон туради.
Олмос тақинчоқлар
Олмос табиий келиб чиқишига қарамай, бойликнинг сунъий равишда яратилган рамзидир. 19-асрда Жанубий Африкада йирик олмос конлари топилганида тошлар тезда заргарлик бозорини тўлдириб ташлади. Тадбиркор Сесил Родос конни эгаллаб олгунча улар нисбатан арзон эди.
Баъзи маълумотларга кўра, у олмос конларидаги улушларни сотиб олган ва шунинг учун Жанубий Африкадаги барча конлар фақат унга ва унинг Де Beeрс компаниясига тегишли бўлган. Родос бозорга олмоснинг озгина қисмини етказиб бера бошлади, бу эса талабни сунъий равишда оширди. Ва у кучли реклама кампаниясини бошлади.
Қиммат матраслар
Уйқу сифати тўшакнинг қулайлигига боғлиқ. Лекин қулайлик қиммат дегани эмас. Оддий матрас ва юқори сифатли тўшак бир-биридан дизайни ва ишлатилган материаллари билан фарқ қилади, аммо моҳиятига кўра улар ўхшаш. Юқори нарх фақат бренднинг машҳурлиги ёки антибаcтериал мато ёки микромассаж ҳаракати каби маркетинг ҳийлалари билан изоҳланади.
Premium аравачалар
Маркетологлар ҳиссиётларимиз ва сахийлигимиздан муваффақиятли фойдаланадилар, бу болалар туғилиши билан кучаяди. Албатта, болага энг яхши нарсаларни беришни хоҳлаймиз: ва биз нафақат севгимиз, ғамхўрлик ва билимимиз ҳақида, балки энг чиройли кийимлар, энг яхши ўйинчоқлар ва қимматбаҳо қурилмаларни харид қиламиз.
Болага қулай бўлиши учун аравача оғир бўлмаслиги ва енгил юриши керак — умуман олганда, ҳаммаси шу. Қолганлари — дизайн, ўнлаб алмаштириладиган блоклар, қўшимча аксессуарлар — аравачани қимматроққа сотишнинг бир усули.
Принтер сиёҳи
Нега сиёҳ баъзан ажойиб принтердан ҳам қимматга тушади? Талаб ва даромаднинг ошиши учун принтер ишлаб чиқарувчилари ушбу қурилмаларни зарарга сотишлари мумкин, кейин эса сиёҳни сотиш орқали харажатларни қоплайди. Бундан ташқари, бошқа сотувчиларнинг рақобатини бўғиш учун улар ўзларининг картрижларидаги микродастурларни тез-тез янгилайдилар.
Робот чангюткич
У замонавий кўринади, кам жой эгаллайди ва энг муҳими, одатий ишни қизиқарли нарсага айлантиради.
Бироқ бундай моделлар анъанавий чангюткичларга қараганда анча қимматроқ, аммо функсионаллик нуқтаи назаридан улар оддий ва одатда ёмонроқ тозалайди. Роботда жуда кўп муаммолар мавжуд: чанг йиғувчи қоп ва чўткаларни мунтазам тозалашингиз керак. Ишга туширишдан олдин полдан барча тўсиқлар ва керакциз нарсаларни олиб ташлашингиз керак.
Бренд кийим ва поябзаллар
Бренд буюмларни сотиб олаётганда биринчи навбатда ном ва қиммат реклама учун тўлаймиз. Бироқ улар янада сифатли эканлиги ҳақида баҳслашиш ҳар доим ҳам ўзини оқламайди.
Етакчи брендлар, баъзи маълумотларга кўра, бозордаги мавқейидан фойдаланиб, товарлар нархини 5-30 баробарга оширади. Шу билан бирга, товарларнинг аксарияти арзонга ишлаб чиқарилади, ишлаб чиқариш харажатлари ўсмайди, лекин нархлар сунъий равишда оширилаверади.
Изоҳ (0)